Del 6 al 9 de noviembre, d'anguaño, Candás va acoyer la IV edición del Parlamentu Rural Européu”. Un alcuentru de más de 350 persones procedentes de más cuarenta países, non yá de la Unión Europea, sinón de toa Europa. Un puntu de comunicación, d'unión nel que se van analizar y van encarar los retos a los que'l mundu rural tien de faer frente nos próximos años.
“Ye por ello que'l Conceyu de Carreño, al traviés de la Conceyalía de que presido y col oxetivu que los establecimientos hosteleros y hoteleros, que van agospiar a les persones participantes nel congresu, puedan dar entá un meyor serviciu, pa ello entamóse un cursu Prácticu d'Inglés pa Establecimientos Hosteleros y Hotelería de Carreño que va dar empiezu'l 4 de marzu. Por que toes aquelles persones profesionales del sector puedan rellacionase con unos mínimes conocencies d'inglés mientres eses feches” señaló Paula Cuervo-Conceyala de Turismu-.
“Na xunta caltenida con esti sector, nel mes de xineru, de cara a la organización del eventu, punsose de manifiestu que una de les debilidaes detectaes de los y les profesionales yera la falta de formación abonda nun segundu idioma que-yos dexara ufiertar un serviciu de calidá. El compromisu del Conceyu, nesti sentíu, foi la d'ufiertar una formación gratuita pa toes aquelles persones que tuvieren comenenciudes, col fin de garantizar un meyor serviciu” comentó la edil.
El Cursu que va tener una duración de sesenta hores partíes en trenta sesiones de dos hores caúna pa un máximu de 15 persones, va desenvolvese en dos fases, con una duración cada fase de trés selmanes:
• Primer fase del 4 al 22 de marzu del 2019
• Segunda fase del 7 al 25 d'ochobre del 2019
La formación va tener llugar per selmana, de llunes a vienres,ente les 11:00 y les 13:00 hores nes instalaciones del Centru Polivalente “La Baragaña”.
“Con esti cursu pretendemos facilitar a los y les participantes les ferramientes básiques por que sían capaces de caltener una comunicación n'inglés cola vecería pa la prestación y vienta de los sos servicios turísticos y d'hostelería, según la xestión de los sos establecimientos con una vecería internacional. Polo que les actividaes na clase van ser bien variaes y con una orientación eminentemente práctica, guardando relación directa cola realidá empresarial del alumnáu. Los que al traviés de les cuatro habilidaes básiques: Listening, speaking, Reading y writing, (sobremanera de les dos primeres), tendrán de desendolcase en simulaciones de situaciones reales” prosiguió Cuervu.
“Les clases, que van ser impartíes por profesoráu nativu y puramente n'inglés, van tar dirixíes al nivel mediu del grupu, buscando actividaes de sofitu pa les persones de menor nivel y adicionales pa los y les de mayor. Polo que de primeres pa conocer les conocencies del alumnáu, sobre la materia, van efectuase unes pruebes de nivel” rellató la Concejala.
El plazu d'inscripción na formación va dar empiezu'l próximu, llunes 11 de febreru y va tar abiertu hasta'l llunes 25 de febreru del 2019.
La matrícula va realizase nel Rexistru del Conceyu de Carreño (Santolaya, 1-3), teléfonu 985.87.02.05 nel impresu de solicitú “Ficha d'Inscripción Curso Prácticu d'Inglés pa Establecimientos Hosteleros y Hotelería de Carreño”, nel siguiente horariu:
✓ Llunes, miércoles, xueves y vienres de 9:00 a 14:00 hores.
✓ Martes de 9:00 a 18:00 hores.
Asina mesmu podráse descargar los impresos orixinales de matrícula na páxina web municipal. www.ayto-carreno.es.
“La formación que va ser gratuita, va tener un númberu de places llindaes a 15. Axudicándose les mesmes por rigorosu orde d'inscripción. Amás pa dar oportunidá a tolos establecimientos afítase como criteriu una plaza per cada negociu, pudiendo ampliase siempres qu'esistan vacantes” remató Paula Cuervo.
Albandi
