La Sala de lo Contencioso-Alministrativu del Tribunal Supremu tornó'l recursu interpuestu pol Conceyu de Carreño contra l'Alcuerdu del Conseyu de Ministros de 16 d'ochobre pol que s'aprueba'l documentu de Planificación Enerxética, Plan de desenvolvimientu de la Rede de Tresporte d'Enerxía Eléctrica 2015-2020, previstu pol Gobiernu d'España.

“Dende'l Conceyu de Carreño llevamos dellos años defendiendo los intereses ambientales del conceyu y anque respetamos les decisiones del Supremu, nesti casu, rescampla que nun la compartimos”, señaló Gabriel Rodríguez, voceru del gobiernu local y responsable de la área de mediu ambiente.

“Caltenemos el compromisu col alcuerdu plenariu y les entidaes vecinales al que llegamos nel so día, frente a la planificación de la rede de tresporte d'enerxía plantegáu y siguimos defendiendo qu'esta instalación nun ye necesaria y que trai más perxuicios a la situación ambiental de Carreño”, esplicó Gabriel Rodríguez.

El Supremu considera que l'actuación del Gobiernu d'España en materia de planificación enerxética afíxose a les previsiones llegales y que los cambeos que se fueron incorporando, faenlo en base a razones técniques oxetives.