El club candasín proclamóse esti sábadu 21 campeón en categoría absoluta de la segunda división del Axedrez asturianu, consiguiendo d'esta forma l'ascensu a la primera categoría. Esti ésitu del Club Ajedrez Candás súmase al recién Campeonatu d'Asturies llográu pol club en categoría Sub18, completando una temporada magnífica que demuestra'l bon presente y el meyor futuru del Axedrez en Carreño.

El Club Ajedrez Candás collabora amás col Patronatu Deportivu Municipal dirixiendo una de les sos Escueles Deportives con gran númberu de neños y neñes, n'una destacada llabor de promoción que tamién dio grandes resultancies algamando dellos campeonatos individuales y por equipos pa Carreño.

Norabona a tolos xugadores del club.