Na mañana d'esti 26 d'abril tuvo llugar, nel Centru Polivalente La Baragaña, la presentación de la 13 etapa de la Vuelta a España 2018 con salida en Candás y llegada al Altu La Camperona (Llión). L'actu tuvo les intervenciones de Javier Guillén (Director de Unipublic, organizadora de la Vuelta), Manuel Muñiz (Xerente del PDM Carreño), el gran ciclista Marino Lejarreta “El Junco de Bérriz” vencedor d'una Vuelta a España, Julio Zapico (Dtor. Gral de Turimu), Ramón Tuero (Dtor, Gral. de Deportes), y l'Alcaldesa de Carreño Amelia Fernández, con presentación por Alain Fernández (Coordinador Teatru Prendes).

Nes intervenciones glosóse tantu'l perfil deportivu como organizativu d'esta etapa, posiblemente una de les más destacaes de la Vuelta 2018, énte un numberosu públicu nel que s'atopaben entidaes deportives y vecinales del conceyu, según una representación de la Escuela Deportiva de Ciclismu de Carreño y numberosos profesionales deportivos y técnicos d'esti deporte, bien abondosos nel nuesu conceyu.