L'Asociación pal Desenvolvimientu Integráu del Centru d'Asturies
Periurbano (ADICAP) espón na so web http://www.adicap.com,
a información pública, la revisión de la estratexa de
Desenvolvimientu Local Participativa (EDLP) realizada mientres los
meses d'abril y mayu y una vegada rematáu'l procesu de concertación
col Principáu d'Asturies.
Hasta'l 20 de setiembre podrán presentase allegamientos al
documentu pol cual ríxese les concesiones d'ayudes al programa
Leader 2014-2020.
Los principales cambeos introducíos na estratexa son l'ampliación
de beneficiarios na midida d'inversiones n'esplotaciones agrícoles a
persones que s'atopen desenvolviendo una actividá económica de
calter non agrariu y que pretendan simultaneala con una actividá
agraria o ganadera y a persones mayores de 40 años interesaes
n'empecipiar una actividá agraria o ganadera. Tamién va poder
beneficiase les agrupaciones d'agricultores y/o ganaderos/es pa
la realización d'inversiones n'activos físicos. Polo que se refier
a la midida del ticket del autónomu la cuantía de l'ayuda amóntase
a 40.000 €.
Albandi
