El Conceyu de Carreño, tres el correspondiente procesu de
llicitación nel que participaron 4 empreses, axudicó'l baltamientu
del módulu d'ensayos de la banda de música de Candás a la empresa,
con see en Tabaza, POSADA ORGANIZACIÓN, S.L.
Esta actuación municipal ye'l pasu previu por que'l Gobiernu
Rexonal pueda axudicar les obres contemplaes nel proyectu del Centru
de la Música en Candás. La Banda de Música, que preside José
Miguel Karrera última'l treslláu del material y reprogramación
d'ensayos mientres se realicen les obres. Envaloren que el
próximu martes yá van poder apurrir la llave nel Conceyu
y a partir d'esa fecha dende la Oficina Técnica Municipal coordinar
la baltadera necesaria.
“El Principáu encargó, a pidimientu municipal, una
actualización del proyectu básicu y d'execución del Centru de La
Música de Candás, partiendo del esistente, que databa del añu
2010, cola actualización técnica realizada y apurrida este mesmu
añu afíxose'l mesmu a la normativa vixente na actualidá, d'obligáu
cumplimientu na edificación y urbanización, especialmente no
relativo al cumplimientu del Códigu Técnicu de la Edificación.
Dientro d'esta adaptación normativa adquirió especial relevancia
l'estudiu acústicu de la edificación proxectada. Pa ello,
realizaron un Estudiu acústicu, que garantice'l cumplimientu de les
esixencies d'aislamientu del edificiu en relación al usu musical al
que va dir destináu. Amás, nel nuevu proyectu tómase en
considerancia l'adecuación funcional del edificiu que nos suxurió
la Banda de Música que consistía n'habilitar una zona
d'almacenamientu, aumentar les aules y la superficie de dellos
espacios. Tres esa actualización solicitáronnos, pa faer l'acta de
replantego, que se-yos va apurrir la cortil de la parcela vacíu pa
proceder cola llicitación de les obres.” –señaló
l'Alcaldesa.
La parcela na que s'asitia l'edificiu proxectáu ye en Pepe La
Mata, 9 amiesta al colexu Poeta Antón. L'edificiu desenvuélvese en
dos altores que, respondiendo a les premises d'autonomía de les
dos funciones principales riquíes. La planta baxa va ocupar
444,16 metros cuadraos de superficie construyida y la planta primera
110, 21. L'edificiu ta proxectáu p'atender un programa de necesidaes
musicales y educatives coles siguientes árees estremaes:
-Área d'ensayos de la coral Aires de Candás: que tien
accesu independiente ya inclúi una sala xeneral d'ensayos, un
despachu y les sos correspondientes zones de servicios venceyaes
(almacenamientu, aséu afechu, etc).
-Área d'ensayos de la Banda de Música de Candás: tamién
con accesu independiente constituyida por una sala xeneral d'ensayos
con despachu de dirección venceyáu y 7 cabines d'ensayos
independientes.
-Área de servicios: que va disponer de zones
d'almacenaxe y sala d'instalaciones que sirvan a la instalación
proxectada.