La Escuela de Ciclismu de Carreño va poner a la vienta maillots
conmemorativos diseñaos en Candás por cuenta de la salida de la
Vuelta ciclista. Los beneficios que se llogren destinaránse
íntegramente al fomentu del ciclismu de base, y a los neños y neñes
que la practiquen nel conceyu.
Por cuenta de la salida de la 13ª etapa que se va celebrar
el próximu 7 de setiembre ente Candás y el Valle de Sabero, La
Camperona (Llión), el ilustrador burgalés afincáu en Candás,
Goyo Rodríguez, diseñó un logotipu y un modelu de prenda deportiva
a pidimientu del consistoriu local.
La escuela de ciclismu local va comercializar baxu demanda,
pudiendo solicitalos y probar talles nel Polideportivu Municipal
Vicente López Carril de Candás al preciu de 40 € la unidá.
“El diseñu de los maillots inclúi'l logotipu creáu pol
ilustrador Goyo Rodríguez, que recrea la cola d'una sardina y unos
platos de bicicleta, xuniendo asina la tradición marinera de la
Villa con la deportiva focalizada nel ciclismu nesti casu”,
señaló Gabriel Rodríguez, conceyal de deportes.
El Conceyu realizó una tirada pequeña de maillots con esti
diseñu candasín qu'apurrió como atención protocolaria na
presentación de la etapa en Candás y a quien integren la Escuela de
Ciclismu de Carreño.
“Nel ánimu de que los aficionaos al ciclismu que lu deseyen
puedan adquirilo vencimos desinteresadamente el diseñu por que la
escuela local pueda comercializar y asina ayudar al fomentu del
ciclismu na redolada ”, concluyó Rodríguez.
Albandi
