La Vuelta España realiza acciones de promoción de los territorios polos que pasa. La Diputación de Burgos, al traviés de  “Burgos Alimenta” contrató pa promocionar los sos productos al chef asturianu Manu Espina.

Na Escuela de Sabores “La Llariega” sita nel barriu candasín d'El Regueral (zona na que moró Vicente López Carril “El Candasu” ciclista profesional  fináu que perteneció al equipu KAS), esta tarde grabóse pa la televisión nacional un programa de cocina nel que van hermanase la cocina asturiana, rica, variada, versátil, con unos productos de primera llínea, y los bonos productos burgaleses.

Va emitise dientro de les programaciones televisives de la ronda ciclista española pa los amantes d'una cocina que, de forma clara y contundente, va rindir homenaxe a pexes y mariscos del Cantábricu y carnes, llegumes burgaleses cola ellaboración de la receta de zancarrón de lechazo de Burgos en caldereta marinera.