Col empiezu del nuevu cursu escolar
2018-2019 el consistoriu peracaba la puesta a puntu de los Centros
Educativos del Conceyu. A lo llargo de los meses branizos, la
Oficina Técnica Municipal xuntu col Serviciu d'Obres del Conceyu de
Carreño fueron los encargaos de realizar estes meyores nestos
edificios de titularidá municipal.
“A lo llargo de los últimos meses
del pasáu cursu la dirección de la Escuela Infantil “La
Marinera”; de los Colexos Públicos “San
Félix”, “Poeta Antón de Marirreguera” y La
Escuela Rural d'El Valle solicitaron a la Conceyalía
d'Educación les posibles obres/ameyores a realizar nes
instalaciones de cara al períodu branizu. Mientres estos meses,
realizáronse aquelles actuaciones más urxentes y les que pol so
volume o poles molesties que puedan causar, yera necesariu que
l'alumnáu nun s'atopara nes instalaciones educatives“–
señaló Cecilia Tascón, Conceyala d'Educación.
Con cargu al presupuestu municipal
aprobáu pal añu 2018 yá se realizaron obres con medios esternos
por un importe envaloráu de 12.000€. A esta cantidá hai que
suma-y aquelles meyores que fueron asumíes directamente pol serviciu
d'obres municipal, como ye albañilería, carpintería, pintura,
fontanería, y xardinería,…
N'el C.P. San Félix, ente otres,
sustituyéronse los estores por unos nuevos. En dellos casos los
estores nun funcionaben, faciendo que la lluz solar los travesase
enzancando la visibilidá de les cayueles dixitales. Instalóse
corchu en delles aules del centru; efectuóse la pintura de delles
cayueles amás d'aules o de les rayes del patiu d'educación
infantil, por casu. El serviciu eléctricu municipal, como'l de
fontanería, encargáronse de dellos arreglos por cuenta del so usu.
Tamién s'eliminaron mugores d'unes aules, realizáronse obres
de carpintería, albañilería, fradadura y cerrajería. Toes elles
realizaes por personal municipal.
Nel casu del C.P. Poeta Antón de
Mari Reguera, les obres más demandaes fueron les pintura. Pintáronse
4 aules de primaria, más el techu, 2 aules de primaria,
l'aula de 6ºB y la Biblioteca. Amás nel casu de l'aula de 6º
B tamién se camudó'l corchu qu'anubría les parés sustituyéndolo
por azulexos. Reparáronse plaques d'escayola cayíes, arreglos de
carpintería y de fontanería. En xunetu realizáronse llabores de
xardinería y estos díes dos trabayadores municipales realicen nueva
siega de les redolaes.
Na Escuela Rural sita n'El Valle la
dirección del centru solicitó la pintura interior, amás de la
fachada, y pintar nel patiu del xuegu tradicional del “Cascayo”.
Obres n'albañilería como'l alicatáu del bañu infantil,
instalación d'unos xuegos na zona del parque infantil y renovación
de zarru perimetral de malla. Tamién se realizaron obres de
carpintería nes puertes y d'eletricidá col cambéu de
fluorescentes. Camudóse'l corchu del suelu d'una de les aules y
barnizáu del otru.
Na Escuela Infantil “La Marinera
realizaron obres d'albañilería, carpintería, xardinería y pintura
con personal propio.
“Estes obres nun suponen el fin de
les meyores que se van realizar d'equí a final d'añu. Si non tolo
contrario. El Serviciu d'Obres Municipal ta sollerte, pa solucionar
cualquier incidencia que pueda surdir nestos meses. Imprevistos, que
como en cualquier casa, van surdiendo pol usu” prosiguió
la Concejala.
“Nel casu de la Escuela Infantil
va acometese, nestos últimos meses del añu, la creación de l'aula
de psicomotricidá. Esta aula ye consecuencia de la consulta fecha a
la ciudadanía nos presupuestos participativos. Foi una de les
propuestes más votaes. La selmana pasada concluyó'l plazu de
presentación d'ufiertes p'aquelles empreses comenenciudes n'optar a
la realización de la obra. Pa ello, nel Presupuestu
Municipal esiste una partida disponible con 84.164,93 € pa
poder faer frente a esti gastu” remató Tascón.
Albandi
