Les fiestes del Cristu de Candás
arrincaron esti 13 de setiembre con verbena y fenomenal castiellu de
fueos artificiales por pirotécnica Morís.
Na mañana d'esti 14 de setiembre tuvo llugar l'Alborada 2018 cola llectura del Poema del Alba a cargu del poeta uvieín Lauren García, la tradicional ufrienda floral na mar, según la danza prima popular nel Puertu de Candás, que fueron acompañaos de numberosu públicu n'emotiva actitú d'homenaxe a les persones finaes na mar.
Na mañana d'esti 14 de setiembre tuvo llugar l'Alborada 2018 cola llectura del Poema del Alba a cargu del poeta uvieín Lauren García, la tradicional ufrienda floral na mar, según la danza prima popular nel Puertu de Candás, que fueron acompañaos de numberosu públicu n'emotiva actitú d'homenaxe a les persones finaes na mar.
La celebración relixosa con procesión
de la imaxe del Stmo. Cristu de Candás rexuntó, como yá casi ye
una norma, a un ensame de persones que percorrieron col Cristu les
cais candasines cola participación musical del Coru de La Bodega de
Candás n'actitú solemne y respetuosa.
La música nun pudo faltar na mañana
d'esti 14 de setiembre, con actuaciones de Banda de Música de Candás
y Banda de Gaites de Candás poles cais de la villa marinera.
Les celebraciones siguen esti vienres
con verbenes, sesiones Dj y el gran conciertu espectáculu de la
charanga Pepe El Chelo na Baragaña nel so 60 cumpleaños.
Mañana, día del Cristín, va tener
llugar el Desfile de Charangues 2018 y más música cola Coral Aires
de Candás nel Prendes según verbena alternando con Dj entre
Baragaña y Conserveres, antes de la traca que va dar fin a les
celebraciones.