Tres la celebración de la festividá del Santísimu Cristu de Candás, patrón de Carreño, la parroquia de Quimarán peracaba los preparativos de les tradicionales y últimes fiestes del branu, les Fiestes de La nuesa Señora de los Remedios, la patrona de Carreño. Como manda la tradición,  el día mayor de les fiestes de la Virxe de los Remedios ye'l siguiente domingu al del Cristu de Candás.

Grande ye la devoción en Carreño pola Virxe de los Remedios de Quimarán, yá que xuntu cola Virxe de Cuadonga son les dos úniques asturianes coronaes. A lo llargo del añu'l so santuariu ye visitáu per miles de persones,  pero'l 16 de setiembre va ser un día especial de pelegrinación al llegar pelegrinos y pelegrines de tolos rincones del conceyu y de los conceyos estremeros pa honrar a la nuesa patrona.

La marcha xubilar andando dende Candás, del domingu 16 de setiembre, va salir a les 11:00 hores dende la Plaza de la Baragaña pa llegar sobre les 12:30 a la redolada de la Ilesia de San Esteban de Quimarán.

P'aquelles persones que por circunstancies personales nun puedan movese a la parroquia de Quimarán pa participar d'esta xornada mariana, el Conceyu de Carreño pon a serviciu de la ciudadanía l'autocar municipal. Aquelles persones que deseyen faer usu d'esti serviciu tendrán d'inscribise primeramente, p'asegurar la plaza, na oficina de turismu de Candás hasta'l sábadu 15 de setiembre a les 20:00 h, yá sía presencialmente o llamando al 985-88 48 88 o al traviés del e-mail turismo@ayto-carreno.es

Les fiestes de La nuesa Señora de los Remedios van dar empiezu'l sábadu 15 hasta'l llunes 17 setiembre. Toos los  díes  pela nueche, y el sábadu y Domingu a mediudía va haber serviciu de parrilla, nel prao de la romería, pa toes aquelles persones que lo deseyen a precios populares.

Programa del día: