El Conceyu de Carreño, al traviés de la Conceyalía de mediu
rural, executa obres de meyores en parte de les instalaciones
municipales del denomináu Centru d'Iniciatives Rurales (CIR) de
Tamón.
Les obres contemplen la renovación d'aire, a la depuración de
los arramaos sacupaos pola rede de saneamientu, la dotación
d'elementos de protección nel accesu pa persones con movilidá
amenorgada y la protección del buecos de fachada frente a la entrada
d'insectos na cocina del chigre. El costu de les mesmes xube a
39.147,03 € IVA incluyíu. Tres el correspondiente procesu de
llicitación les obres axudicáronse a la ufierta más ventaxosa, la
presentada pola empresa INGENIEROS: CONTRUCCIÓN Y NAVES S.L.
“Dada la inesistencia de rede municipal de saneamientu na
zona, con oxetu de captar y dar tratamientu a les agües residuales
que xenera l'actividá y teniendo en cuenta'l volume previsto según
les sos característiques optóse por prever la instalación d'un
sistema de depuración totalmente soterráu” - esplicó
Manuel Noceda, edil de mediu rural.
La instalación prevista consiste nuna depuradora compacta dafechu
soterrada constituyía por un cuerpu prefabricáu, con trés cámares
de tratamientu: cámara anóxica, cámara aerobia y decantador. Asina
mesmu va tar dotada d'aireación enllargada de fangos activos y
agitadora horizontal somorguiable pa lo cual rique un sistema
d'alimentación eléctricu que, partiendo del interior del edificiu
enríese al traviés de la fachada norte y siga en cabiana soterrada
hasta'l sistema de depuración.
Pa la rede de tratamientu del efluente producíu, primeramente va
faese una arqueta de forgue y antes de la so conexón al puntu
d'arramáu va instalase otra para toma d'amueses. Tou este conxuntu
según les redes de saneamientu que van conducir los efluentes y la
d'alimentación eléctrica van tar dafechu soterraes.
“Prevese que'l conxuntu del sistema de depuración ocupe unos
7,50 ml de llargor con un anchu de 2,20 ml, previéndose una fondura
d'escavación que nun entepase de 3,00ml baxu la rasante actual.
Vamos aprovechar la rede esistente pa enriar les agües pluviales y
per otru llau la nueva rede va conducir, va tratar y va sacupar namá
agües fecales procedentes de la edificación municipal”–concluyó'l conceyal.
Albandi
