Héctor, xugador perteneciente a la Peña Bolística Praviana “El
Tronco” resultó vencedor del XVII Tornéu de Bolos Batiente del
Principáu d'Asturies celebráu na escepcional bolera de Prevera. Na
mesma competición resultó subcampeón y primer clasificáu en
regularidá, Tino, de Peña Bolística Casa Jenaro de Prevera,
anfitriona del tornéu.
El Tornéu Principáu d'Asturies de bolos, modalidá “Batiente”
ye la competición más importante n'esta la modalidá xuntu col
Campeonatu Individual y el de Pareyes d'Asturies. Xuégase a lo
llargo de tola temporada y axunta a los meyores xugadores del añu
que compiten n'enfrentamientos directos a lo llargo de trés díes pa
consiguir el troféu únicu del tornéu.
 |
| Héctor y Tino, Campeón y Subcampeón |
Esta competición premia a los meyores de la temporada y al empar
promociona'l deporte tradicional de los bolos nos conceyos onde se
practica la modalidá de Batiente, al empar que nos da a conocer ente
tolos asturianos pola so presencia nos medios de comunicación.
La últimes fases d'esti tornéu vienen celebrándose de forma
rotativa por tolos conceyos que tienen clubes deportivos que
promocionen la modalidá de Batiente y que se comprometan a entamar
los enfrentamientos directos d'esti tornéu: Carreño (Zanzabornín,
Prevera y El Valle), Pravia, Salas, Cuideiru y Gozón
(Mazaneda). Anguaño xunióse a la llista la bolera de Grau que
s'estrenó pa la competición oficial col campeonatu de pareyes
d'Asturies el pasáu 29 de xunetu.
El tornéu, qu'empecipió la so andadura na bolera de Zanzabornín
nel añu 2002, vuelve de nuevu al conceyu de Carreño que yá foi see
en cinco ocasiones, siendo la peña Casa Jenaro la encargada
d'entamar la competición.
A la xornada final allegó en representación del Consistoriu de
Carreño Manuel Noceda, Conceyal de Mediu Rural.
Albandi
