El Programa “Joven Ocúpate” va
dar empléu mientres seis meses a 8 mozos o moces, acompañaos
de 1 monitor y 1 mentor.
Van ser contrataos/es pol Conceyu de
Carreño pa la so incorporación al proyectu “Luce
Candás”, que'l Serviciu Públicu d'Empléu concedió al Conceyu
nel marcu del programa “Joven Ocúpate”.
Los y les participantes van tar con
contratu mientres 6 meses so la modalidá de contratu pa la Formación
y l'Aprendizaxe.
Pa poder participar na selección
les persones comenenciudes tendrán de cumplir les siguientes
condiciones: tener más de 16 años y menos de 30, tar
inscritos/es nel ficheru del Sistema Nacional de Garantía Xuvenil y
como desemplegaos/es nel Serviciu Públicu d'Empléu del Principáu
d'Asturies, llevar más de 6 meses en situación de desempléu, y nun
participar n'otres acciones formatives.
Van Tener prioridá na contratación
les persones que nun superaren la Educación Secundaria Obligatoria
(ESO).
La mocedá participante nestos
programes va recibir una formación profesional certificada en la
especialidá “Llimpieza d'espacios abiertos ya instalaciones
industriales”, paralelamente a la que van desenvolver la so
práctica profesional, realizando xeres de llimpieza de cais,
sableres y espacios públicos del conceyu.
Les persones nueves que resulten
escoyíes tamién van recibir formación complementaria, que-yos
dexará llograr el títulu de Graduáu n'ESO.
Prevese que esti proyectu
arrinque'l próximu 17 d'avientu, polo que'l procesu de
selección va realizase nes próximes selmanes.
Albandi
