Al traviés de la ONG Seronda tenemos, esti mes de noviembre, la presencia de cinco mozos y moces de Guatemala que realizaron actividaes ya intercambiu con dos de los Centros Educativos del conceyu. Nel intre de los alcuentros con estudiantes d'infantil y sencundaria esplicaron a la comunidá escolar local la realidá na que viven, según les actividaes nes que participen les qu'enmárquense dientro del proyectu de cooperación cofinanciáu pol Conceyu de Carreño.

El pasáu'l 20 de noviembre visitaron la escuela rural de Quimarán-El Valle que dirixe Mirta Morán y esti llunes, día 26, tuvieron nel IES de Candás.

N'abril de 1997 ocho persones constitúin l'Asociación pa la Cooperación Seronda, llegando na actualidá a tar formada por 132 #socio/es. El so oxetivu ye, y sigue siendo, promover y realizar programes de cooperación y ayuda colos pueblos más desfavorecíos, en materia d'alimentación, sanidá, educación, vivienda y cultura. De magar, ensin interrupción collaboró de desenvolvimientu en Guatemala col sofitu financieru d'instituciones asturianes como'l Conceyu de Carreño.

La collaboración ente'l Consistoriu carreñense y la ONG asturiana foi siguida dende va dellos años al traviés de les Subvenciones de Cooperación al Desenvolvimientu que dende la Conceyalía d'Igualdá convóquense añalmente en concurrencia competitiva. Nesta edición del 2018, el dineru destináu a tal fin xubió a 39.300, siendo 20 los proyectos presentaos por otres tantes organizaciones y nos que'l Conceyu de Carreño participa y collabora viviegamente. El proyectu pol cual concedióse-y una ayuda económica y que s'esplicó a la comunidá educativa carreñense estos díes, tien por nome “Garantizando'l derechu a la educación básica y secundaria pa moces de Ciudá Guatemala”. Con él preténdese arreyar a mocedá de les colonies urbanes marxinales de Guatemala nun procesu de formación integral (educación formal, insertamientu llaboral, formación humana y acompañamientu psico-emocional y participación comuñal), p'ameyorar l'autoestima y dignidá de homes y muyeres, y evitar d'esta miente el so ingresu en maras y peaes violentes.

“Atopamos nunos países onde los neños y, sobremanera les neñes, de colonies marxinales son sacaos de la escuela a una edá bien temprana p'ayudar al sustentu de la familia. Polo que toles posibilidaes d'una educación qu'ameyore la so calidá de vida d'esmorecen. La probeza, la violencia intra y extra familiar y la falta d'oportunidaes na so redolada, son dalgunos de los factores qu'arrodien y amenacien a la mocedá, lo qu'enzanca la so integración y un futuru meyor. Trabayar na reconstrucción del texíu personal y comuñal favoreciendo l'accesu a dereches a la educación y a un trabayu dignu, encetando la formación humana de la y el mozu por que recuperando la so autoestima y dignidá arréyese y participe nes actividaes de proyección social pa devolver a les sos comunidaes la esperanza d'alternatives de vida non violentes pa les y los mozos” – esplicó Cecilia Tascón, concejala d'Educación.

“En realidá ye más qu'un proyectu de cooperación, ye un proyectu de vida pa estudiantes, ye una alternativa que demostró la so validez, que funciona, que ye posible, pa moces en riesgu social que la so salida natural ye l'ingresu na mara, la violencia y la cárcel o la muerte prematura. La combinación d'estudiu y trabayu ufiérta-yos la recuperación de la so dignidá, la so autoestima y el desenvolvimientu personal siendo verdaderos protagonistes de la so vida” – añedió Tascón.

Na so visita del 20 de noviembre a la escuela rural, la comitiva realizó col alumnáu delles actividaes consistentes en xuegos, cantares, pintura, etc. acordes cola so edá, enfocaes a esplicar el proyectu y lo que Seronda lleva a cabu en Guatemala.

Esti llunes col IES de Candás, l'alumnáu de primeru de bachilleratu participó viviegamente nuna charra-coloquiu con 5 estudiantes provenientes de Guatemala conociendo de primer mano la realidá de la mocedá guatemalteca, como ye la so vida ellí, los peligros qu'esisten como puede ser la Mara lo mesmo que de les Oportunidaes que'l proyectu Ponte Belice brínda-yos, gracies a que-yos da la oportunidá de formase tanto a nivel profesional como personal. Amás una de les voluntaries de la ONG, que va poques selmanes volvió del país centroamericanu, cuntó-yos directamente la so esperiencia.