Atletes de Carreño van activar l'allumáu navidiegu

Dende va dellos díes les decoraciones de los llares fueron camudando para aclimatase a la dómina navidiega. Empiecen a vese nes faroles de Candás les flores de pascua, l'asociación belenista peracaba la ruta de los belenes, en Valdés Pumarino el personal d'obres peracaba con decoración navidiega un árbol de navidá, … les cais de la villa y les carreteres locales somórguiense nesta metamorfosis.

El Conceyu de Carreño, al traviés de la Conceyalía de Festexos, peracaba un ampliu y variáu programa de d'actividaes, a lo llargo d'esti mes d'avientu y principios de xineru, que como ye tradicional van tener como puntu de partida'l  “Encendíu Navidiegu” esti xueves 6 d'avientu a les 20:00 hores na Plaza de La Baragaña. Primeramente a les 19:15 hores el Faroleru va aportar para encender l'antiguu faru “La Farola” de la Peña de los Ánxeles que va emponer al Angulero para llegar a Asturies.

Nesta ocasión les encargaes de dar el pistoletazu de salida a la Navidá al pie de l'Alcaldesa de Carreño, Amelia Fernández López  ya inaugurar el llume navidiega carreñense van ser muyeres deportistes: la galardonada atleta María Área Diego (Premios Delfos 2018)  xuntu con integrantes de la Escuela d'Atletismu del Club Náuticu de Carreño.

María Área Diego, Premiu Delfos 2018, vecina de Candás, empezó a faer deporte per prescripción médica yá que tenía una mancadura de llombu y los médicos encamentáron-y faer deporte porque si nun podría llegar a dexar d'andar. Empezó a faer ximnasia, aeróbic y kárate hasta que se dio cuenta que lo que-y gustaba yera correr. Empezó entós a correr carreres hasta que nel añu 2003 participó nel Campeonatu d'España d'atletes veteranos, inscribióse en 60 m y 200 m y quedó Campeona d'España. Al añu siguiente añade la disciplina del llanzamientu de pesu, y el primer añu nesta modalidá, llogra'l Subcampeonatu d'España, incluyéndola nos sos entrenamientos, asina tuvo dellos años, con estes pruebes, hasta que nel añu 2007, empezó a preparar el Pentathlon (60 m valles, saltu d'altor, llanzamientu de pesu, saltu de llargor, y 800m) les 5 pruebes cunten como una sola, anque les marques respétense para los Records d'España. Con un añu de preparación, quedó Campeona d'España, y llogru 8 medayes d'Oru y 4 records d'España. Nel 2008 participó nel Campeonatu del Mundu de Veteranos/es, pista cubierta, que se celebró en Clermont Ferrand (Francia) llogrando medaya de bronce, y llogrando Récord d'España. Al ser 5 pruebes bien agresives, volvió resentise de la mancadura de llombu, asina que tornó a les distancies del principiu y al llanzamientu de pesu, anque como-y paez poco ta entrenando la distancia de 400 m. llisos, distancia na que consiguió quedar dos vegaes Campeona d'España. Na actualidá les sos pruebes son 60m llisos, 100m, 200m, 400m llisos y llanzamientu de pesu. Podría siguir enllenáu l'aval de llínees cola so trayectoria deportiva pero nella tamién pesa y enforma los sos valores y solidaridá. atesora más 80 títulos de Campeona d'España, en delles especialidaes, velocidá, valles, altor, llargor, triple saltu, llanzamientu,… nel so palmarés tien más de 30 records d'España, Campeonatos del Mundu. Ensin dir más allá nel pasáu Campeonatu de Mundu Master, celebráu en Málaga en septiembre d'anguaño, consigue la medaya de bronce na prueba de 100 m W70. Según el Xuráu de los Premios Delfos “ye una deportista que sirve d'exemplu a les nueves xeneraciones”.

Nel casu de la Escuela d'Atletismu del Club Náuticu de Carreño. El trabayu diariu y l'esfuerzu nos entrenamientos, según el bon faer nes competiciones tuvo como compensa esti 2018 la participación de tolos y les atletes, so la dirección técnica de Rubén Muñiz y David Muñiz, en  campeonatos autonómicos, consiguiendo ventitrés puestos de finalistes, ventiséis medayes a nivel individual, una como equipos y una en relevos nos Campeonatos d'Asturies. Amás cuatro atletes fueron convocaos y participaron cola selección asturiana sub 14, sub 16 y sub 18, según la participación, d'otros seis, nos Campeonatos d'España sub 16, sub 18, máster y de clubes.

Van Ser cuarenta arcos de lluz con 12 motivos navidiegos, van instalase lluces led, de baxu, consumu p'afatar 15 cais comerciales de Candás, amás de la Casa Consistorial, del Techu de Lluz de la Plaza de la Baragaña o'l motivu d'un  trinéu en 3d del Edificiu Polivalente “La Baragaña”. Nel llume de Candás collabora la Unión de Comerciantes d'Asturies. Amás, como n'años anteriores, les parroquies rurales tamién van tener la so decoración navidiega que va sufragar el consistoriu. Los arcos de la zona rural van encender el mesmu día y a la mesma hora que la de la villa” señaló Paula Cuervo- Conceyala de Festexos.

Pero nun ye esta la única actividá programada para esti día, si non qu'unos minutos antes del encendíu, a les  19:15 h, el  Faroleru va aportar a la sablera de Palmera para encender la Farola candasina. A empiezos d'avientu L’Anguleru prepárase para entamar un viaxe que lu va llevar dende'l Mar de los Sargazos n'América hasta Asturies. Quince díes nos que traviesa l'océanu Atlánticu para atopase de llenu coles mariñes asturianes. Pero por que pueda tocar tierra precisa de l'ayuda d'unu de los maestros llendadores, aquellos grandes amigos colos que cunta n'Asturies y que cada añu ayúdenlu a llevar l'allegría y la felicidá a cada casa del Principáu. Trátase del Maestru Llendador del conceyu de Carreño, el Faroleru” prosiguió la edil

El nuesu Faroleru ye un embravecíu amigu de fatigues del Anguleru que, cada mes d'avientu, s'encarga d'encender la Farola de Candás para emponer al so compañeru na so llegada a Asturies. El xueves 6 d'avientu a les 19:30 h ye'l día señaláu nel qu'el “Faroleru” vuelve a encender La lluz de la Farola candasina, la que marca a tolos faros de la mariña asturiana'l momentu para empezar a emitir un tipu de rellumos un tanto especiales que faen que L’Anguleru pueda marcar l'aldu esactu a Asturies dende cualquier puntu del Atlánticu onde s'atopa” rellató Cuervo. 

El Faroleru va volver a Candás el 23 d'avientu para recoyer les cartes y deseos de tolos neños y neñes del conceyu. Él guía al Anguleru para la so llegada a Asturies y como maestru llendador que ye ayudará-y  na repartida de regalos nel conceyu de Carreño, delegando nél la entrega de los presentes a los/es más guajes. Les persones qu'asistan esti xueves al encendíu per primer vegada van poder participar de la videoconferencia que va tener llugar entre El Faroleru y L’Anguleru, dende'l Mar de los Sargazos, minutos antes del encendíu dende la Plaza de La Baragaña” remató la conceyala.