Dan empiezu les obres de meyora del Camín, de titularidá municipal, de Monterriundo C-809, sito nel Barriu d'El Regueral por un importe de 54.518€.

“Dientro de les actuaciones previstes nel Plan Integral de la Zona Rural esiste una importante partida pa la meyora de los viales de la Zona Rural ente los que s'atopa esti Camín nel Barriu d'El Regueral. Nel cual veníamos reparando n'unos de los sos tramos unos problemes d'estabilidá que provocaron agrietamientos del tremáu asfálticu” comentó Manuel Noceda-Conceyal Mediu Rural.

“El vial C-809, ye un camín realizáu a media fastera. El cuál sofítase por aciu una obra de fábrica de formigón sobre un murete d'un metro d'altor. Esti murete contien el restu de la turria del camín sobro'l vial d'accesu a unes viviendes. Y por cuenta de la inestabilidá que presenta'l sistema de contención de la turria fuéronse abriendo unos resquiebros na llongura del vial y de la propia turria” señaló'l conceyal.

“Polo enantes espuesto encargóse a la Oficina Técnica Municipal la ellaboración del proyectu de meyora d'esti camín pa la so posterior contratación. Tres el procesu de llicitación correspondiente, participaron 9 empreses, y fueron axudicaes a la ufierta presentada Francisco Suárez Contratras, S.L. por un importe final de 54.518,97 €, al ser esta la ufierta más ventaxosa en términos calidá-preciu” prosiguió Noceda.

“Les obres previstes van ser la execución d'un muriu de sostenimientu colindante col llende sur del camín pa sustituyir al conxuntu murete de formigón – murete de bloque que ta dando amueses d'inestabilidá. Van Ser unos 37 metros de muriu escontra l'oeste del camín que coincide con  del murete de contención de formigón al cual va sustituyir. Amás va camudase la dirección del ángulu rectu pa contener la turria de tierres esistente na parcela colindante al sur del camín” rellató'l responsable de la Zona Rural.

“Col fin d'optimizar el dimensionamiento, el muriu desostenimiento va tener una zapata sol terrén qu'hai de contener. Con esta solución, dada la distancia esistente ente la llende del camín y el murete de bloque de formigón, amplíase l'espaciu del camín d'accesu a les parceles colindantes.  Esti espaciu va urbanizase disponiendo una canaleta de formigón realizada “in-situ”al pie del muriu y el restu del espaciu lliberáu se pavimentará con tremáu asfálticu en caliente sobre una base de zahorra amacerada” avanzó'l Conceyal.

“La canaleta va sirvir pa captar l'agua del trasdós del muriu que capte'l drenaxe que se preve disponer y que, al traviés de distintos mechinales dispuestos al altor conveniente, va escurrir llibremente en visu a restar presión hidrostática sobre'l muriu. Como complementu, en visu a ameyorar la circulación d'agua escontra'l drenaxe, va asitiase una llámina de polietileno abotonada contra la cara del trasdós del muriu que va dexar el so descensu por gravedá escontra él. Amás la canaleta va disponese tamién travesando l'accesu a les parceles en visu a conducir l'agua haca la cuneta-bordiellu de que dispon el camín. Pa ello va dáse-y en trazar talmente que pueda desaguar por gravedá” describió'l conceyal.

“Asina mesmu a les obres de meyora realizaes hai qu'añedir l'allugamientu una barrera pa la contención de los vehículos que circulen pel camín como midida de precuru. Mientres la duración de les obres va ser necesariu atayar totalmente la circulación del camín, situación ésta yá conocida pola vecindá afectada, polo que va ser necesariu habilitar un accesu alternativu, del que yá son conocedores y dieron el so vistu bonu, pa les  finques afectaes por esta circunstancia”  comentó Manuel Noceda-Conceyal Mediu Rural.

"Amás habilitóse un camín pa dar  serviciu, mientres duren les obres, a les viviendes afectaes de la zona y a les instalaciones agrícoles. Pa ello con medios propios, devasóse y afirmóse dichu camín. L'importe d'esta obra xubió a 3.000€ de materiales” remató Manuel Noceda.

Les obres van tener xuna duración, envalorada, de trés meses.