Llenu en Tamón pa esfrutar de Teatru y monólogos

La "Cantina” de Tamón recibió con un llenu na sala, esti sábadu, 19 de xineru, la segunda función teatral de la XIV  edición del programa cultural “Ronda de Teatru per Carreño”. Actividá entamada pola Conceyalía de Cultura, na que participaron el Grupu de Teatru “Padre Coll” de la Felguera xuntu col monologuista asturianu “Min de les Pieces”.

Cola dirección de Juan José Navarrete la compañía teatral de la Felguera interpretó la obra “Sainetes Asturianos”, pero primeru'l públicu asistente esfrutó col humor y bon faer a los monólogos d'Armando Felgueroso “Min de les Pieces” gran actor y humorista asturianu con una dilatada trayectoria sobre los escenarios de toa la rexón.