L'Audiencia Provincial tornó'l recursu d'apelación interpuestu pol Conceyu de Carreño contra la sentencia del xulgáu de primera instancia que eximía de responsabilidá a ArcelorMittal nel casu del manantial de Los Molinos.

“Los servicios xurídicos y técnicos municipales tán valorando la situación y analizando l'algame d'esta sentencia porque entendemos que ye contraria a la defensa de los intereses de Carreño”, anunció esta mañana Cecilia Tascón, conceyala d'urbanismu.

“Siguimos calteniendo que ye necesaria la instalación d'un nuevu sistema de drenaxe y contención d'agües que dexe la recoyida y enriamientu de les agües sobrantes de manera que s'embrivan los efectos sobre'l manantial de Los Molinos ya instalaciones municipales. Vamos Ver les posibilidaes de recurrir, entamar otru tipu d'acciones y valorar la conveniencia de caltener la instalación municipal nel manantial en función de los sos costos.”, añedió Cecilia Tascón.

“Esta situación costó más de 485.000 euros a les arques municipales y entendemos que va ser la empresa quien va tener que faese cargu del abonu d'esos daños y perxuicios derivaos de lo carecío pol manantial y de resultes contraries al interés xeneral de Carreño”, concluyó la conceyala.