El Conceyu de Carreño axudicó les obres de meyora y pavimentación d'un tramu que da accesu a nueves viviendes del Camín, de titularidá municipal, de La Fonte del Quesu, el C-253, asitiáu nel barriu de La Braña na parroquia de Perlora.
“Estes obres de meyora de la infraestructures municipales encuádrense dientro de los más de 93.000 € colos que, al traviés del Remanente de Tesorería, executáronse meyores de caminos. Estes propuestes d'actuaciones, aldericaos nel Plenu municipal, cuntando la mesma cola astención d'Izquierda Xunía y los votos en contra del Partíu Popular, por entender dicha formación qu'había, entós, otres necesidaes más importantes que cubrir nel conceyu” señaló Manuel Noceda-Conceyal Mediu Rural.
“L'acondicionamientu d'esti vial respuende a un pidimientu vecinal nel que se nos treslladó la situación del mesmu. El cual por cuenta de la so antigüedá, a la tipoloxía de tráficu mistu-rural, a la so elevada rimada, presenta una importante gastadura, manifestándose con dellos baches y tramos escosos estructuralmente. Lo que fai necesariu obres de meyora y pavimentación en dos tramos del mesmu” comentó'l Conceyal Mediu Rural.
“El Camín de La Fonte del Quesu, el C-253, ye un camín que deriva de la carretera CE-2 (Perán-Tabaza), nel barriu de La Braña, en sentíu ascendente, encruciándose en forma de Y. L'oxetu de l'actuación va ser el tramu inicial que deriva de la carretera nun llargor de 86 metros y la bifurcación derecha d'un llargor de 131 metros” describió'l conceyal.
“Na actualidá'l tramu principal ta pavimentáu con tremaos asfálticu, reparándose frayatu del firme y baches, debíu al intensu tráficu pesáu que soporta, ente que la bifurcación ye d'escoria d'altu fornu, foliada, pero que cumple la función de base, anque por cuenta de la' elevada rimada rique disponer d'una capa de firme qu'asegure'l tráficu que carez, ente'l que s'atopa la saca o balta de madera. Como sistema d'evacuación d'agua namá dispon d'un cañu que traviesa'l camín para desaguar nun regueru” señaló'l conceyal.
“Ye por ello que dende la Conceyalía de Mediu Rural encargó a la Oficina de Xestión Urbanística de la Mancomunidá del Cabu Peñes la ellaboración del proyectu de meyora d'esti camín pa la so posterior contratación. Tres el procesu de llicitación correspondiente, nel que se solicitaron les correspondientes ufiertes, les obres de meyora'l Camín C-253, fueron axudicaes a Asfaltos Arlos, S.L. por un importe final de 22.679,77 €, al ser esta la ufierta más ventaxosa en términos calidá-preciu” prosiguió Noceda.
“Les obres previstes nel tramu principal van consistir n'estender una capa de tremáu asfálticu tipu D-12, estendíu en caliente, con una espesura mínima de seis centímetros, previu regáu d'adherencia de firme actual. Nesti tramu la calzada va tener un anchu de 2,85 metros, ente que nel casu de la bifurcación va ser de 3 metros. Pa esti segundu casu va construyise una llosa de formigón armáu de 15 centímetros d'espesura, con rayáu superficial pa favorecer l'agarre y derive les agües a la cuenta” rellató'l responsable de la Zona Rural.
“Pa solucionar el problema de la evacuación de les agües plantégense dos alternatives; va instalase una cuneta en forma de V na parte de la bifurcación, que ye'l tramu de los dos que presenta más pindiu, que conduza les pluviales hasta'l cañu esistente; ente que n'otros puntos instalaráse cuenta con bordiellu en redol a 30-40 centímetros según el tramu y rígola nel frente de les viviendes pa la recoyida de pluviales y la so derivación a la cuneta” remató'l conceyal.
Les obres van tener una duración, envalorada, d'un mes. Prevese que la próxima selmana empiecen a trabayar en dicha adecuación del vial municipal.
Albandi
