El Conceyu de Carreño, al traviés de la Oficina d'Información Xuvenil (OIJ) de la Mancomunidá del Cabu Peñes y en collaboración col IES de Candás, vien entamando y financiando añalmente'l programa “Educando en Valore"s destináu al alumnáu d'ESO y Bachilleratu del centru educativu.

Les xornaes que dieron empiezu'l pasáu 13 de mayu van prosiguir esta selmana. Nesta ocasión va ser l'alumnáu de los cursos de 2º C y 2º D el que va participar xuntu colos de 3ºB nos Talleres “Lucky y Ludens” sobre promoción del xuegu responsable y prevención de la ludopatía.

“L'oxetivu d'estos talleres ye ayudar al alumnáu a resolver conflictos del so día ente día de forma asertiva y establecer unes normes mínimes de convivencia. Amás de dir preparando na meyora de les competencies personales pa la busca d'empléu faciendo especial fincapié nes posibilidaes d'aprendizaxe y llaborales de la movilidá europea. La base sobre la que se sofita Educando en Valores ye'l resolvimientu de conflictos, el desenvolvimientu de competencies, la creatividá, movilidá y empleabilidá de les persones participantes” -comentó Roberto Bueno- Conceyal de Mocedá.

Los talleres que se desenvuelven dende'l pasáu 13 de mayu hasta'l 13 de xunu van ser impartíos por distintes asociaciones y empreses que collaboren cola actividá:

· Gloria Sagasti

· Larpa-Ludópatas Asociaos en Rehabilitación

· Asociación Youropía

“Trábayase con grupos amenorgaos, lo que dexa que la metodoloxía sía participativa y más personalizada. Les esplicaciones del equipu de formadores va complementase con dinámiques, exercicios prácticos y materiales audiovisuales, tollo cola cuenta de faer más curiosos y cercanos los conteníos a trabayar” prosiguió Bueno.

Los conteníos que se van trabayar a lo llargo del programa son los siguientes:

· Talleres de “Movilidá na UE”. Tratar de dar a conocer les opciones de movilidá esistentes pa la mocedá, esto ye, los Programes Erasmus+ y Cuerpu Européu de Solidaridá, amás de los recursos pa la movilidá.

· Talleres de “Habilidaes pa la Vida”. Al traviés de les habilidaes de la vida, de la forma de comunicase, de la espresión de les emociones, de l'autoestima,… van salir a la lluz palabres como respetu, coeducación, solidaridá diversidá, mediu ambiente, esto ye, educando en valores, para a partir d'ende identificar, intereses, respuestes a los posibles conflictos que puedan xenerase.

· Taller-Charra “Lucky”. Con esti programa pretende amontase la conocencia de les característiques típiques de l'actividá de los xuegos d'azar. Trátase d'un programa preventivu de calter universal.

· Taller-Charra “Ludens”. van dar a conocer y van analizar les principales causes de l'adicción al xuegu, cómo se desenvuelve esi trestornu, los mecanismos que lo caltienen y acciones preventives.

Les sesiones van tener una hora de duración y van tar impartíes por un monitor/a por grupu. Y en total van ser 293 alumnos y alumnes del IES de Candás los y les que se van beneficiar y van participar de les distintes actividaes.

“Ye importante destacar el trabayu realizáu pola OIJ y el IES de Candás pa llevar a cabu esti proyectu, yá que ensin el so trabayu previu col alumnáu y la so implicación na ellaboración d'un programa acorde coles necesidaes de la mocedá que nestos momentos atópense cursando ESO y Bachilleratu nel Institutu sería imposible la so execución, estimar amás el trabayu y sofitu del AMPA IES de Candás y de toles organizaciones que trabayen y collaboren nel proyectu” concluyó'l conceyal.