El Conceyu de Carreño encara les sos elecciones municipales amás d'autonómiques y europees, al igual que prácticamente'l restu del país esti domingu 26 de mayu. La maquinaria electoral yá ta llista, colos colexos electorales habilitaos con moblame y candidatures per parte del personal del Ayuntamientu de Carreño que va trabayar mientres tola sesión del Domingu na tresmisión de datos, información o resolvimientu d'incidencies ciudadanes.

Los Colexos electorales, al igual que nes pasaes elecciones xenerales van tar asitiaos na Casa de la Cultura de Candás (1 mesa), Centru Polivalente de Candás (6 meses), Colexu San Félix de Candás (3 meses), Escueles de Perlora (1), Antigües Escueles de Priendes (1) Escueles de Carrió (El Bandín) (1) Escueles de Quimarán, El Valle (1), Escueles de Llorgozana (1), Escueles de Tamón (1).

La xornada electoral va aniciar a les 9 de la mañana y va tar abierta ininterrumpidamente hasta les venti hores, momentu nel que se van cerrar les meses y va procedese al recuentu de votos. Siete son les formaciones qu'alleguen a les municipales en Carreño, ente les que se van asignar los 17 ediles del colos que cunta'l nuesu conceyu. Les resultancies municipales de toles meses van ser publicaes nesta web en cuanto téngase disponibilidad d'ellos.