El grupu de baille tradicional La Folixa de Carreño entama, en collaboración cola Conceyalía de Festexos, una nueva edición de l'amuesa folklóroca interregional, esti sábadu 6 de xunetu.

El grupu de baille la Folixa ye natural de la zona rural carreñense los sos integrantes provienen, ente otres, de les parroquies de Ambás, Prevera, El Valle, y Quimarán.

Surde na década de los 80 frutu del interés d'un grupu mozu na divulgación y l'estudiu de la cultura asturiana.  Ente les sos actividaes destaquen, la organización d'un festival folklórico que dio cabida a grupos y entidaes de bien diverses procedencies. En septiembre, coincidiendo cola festividá de la patrona del conceyu de Carreño, Ntra. Sra. de Los Remedios, na falda del Monte Areo, se escenifica la tradicional Ufrienda del Ramu. Un actu que consiste en portar, per parte de 4 mozos del pueblu, una estructura piramidal con panes y flores que s'ufierta na Ermita. El Ramu ufiértalo una familia o una persona a títulu individual. Apúrrese acompañáu de les voces de les moces del pueblu, qu'entonen una melodía y percuten panderetes con llazos de vistosos colores.

La Folixa presenta una indumentaria rica y variada como'l folclore carreñense, con traxes de les mariñes (pescadores), traxes de la zona del monte (manteos de la zona de Cangas de Narcea), y traxes de la zona centro (saya d'insiertu).

Destacar,la so presencia activa en festivales internacionales lo mesmo que de índole rexonal en diversos puntos de la xeografía española. Y en l'ámbitu local ye asidua la so presencia nel Mercao Clariniano, la Feria d'Artesanía de Candás, y la Feria Rexonal de Conserves, según en fiestes de les parroquies del conceyu.

Tienen nel so haber un documental tituláu “Sones y costumes” que la so sinopsis trata sobre'l paisaxe, el paisanaje de los valles de Carreño, y que ta ambientado colos bailles y dances del Grupu.

 “A les @20:@00 hores del sábadu 6, na cortil ferial habilitada na escampada del muelle local va tener llugar la XVIII Amuesa Folklórica La Folixa 2019, na que van participar l'Asociación de Coros  y Dances Virxe de Magaceda” procedentes de Villamayor de Santiago, Cuenca y el grupu organizador de l'amuesa “La Folixa” de Carreño. Un alcuentru de dos cultures, la manchega y l'asturiana, na que vamos poder almirar les distintes vestimientes y esfrutar de los bailles y música tradicional de les zones” señaló la Conceyala de turismu, Paula Cuervo.

“Pela so parte el Club de Deporte Rural Monte Areo de Quimarán va participar y va entamar una prueba de deporte tradicional, el desafíu d'hachu per pareya. Una prueba que consiste na curtia de tueros con hachos por pareyes procedentes  non solo de Carreño, sinón d'Asturies, Cantabria, participando munchos d'estos deportistes en pruebes de les distintes lligues nel País Vascu. Amás habrá una zona delimitada de xuegos tradicionales puramente pa los  neños y les neñes. Esta actividá va dar empiezu'l domingu 7  a partir de les 12:00 hores” prosiguió Cuervo.