Cuatro llotes de Tamón, 3 d'El Regueral (Candás). 2 d'El Pieloro, dos de Llorgozana, unu de Perlora, unu de Quimarán y 17 de la parroquia d'El Valle compiten nel certame.

Esti 21 de xunetu el xuráu del certame puntuará los 29 llotes espuestos. El mesmu va tar presidíu, por Delegación de la Alcaldesa, pol Conceyal de Mediu Rural, Manuel M. Noceda Quintana. Y van integralo con él un representante de l'área de mediu rural de la Caja Rural de Gijón, Javier Brea Pastor y un técnicu municipal, Elías Rodríguez Fernández.

Y a les 18 h. visitará el Certame y saludará a espositores Mª Jesús Aguilar Menéndez. Dtra. Xral. Desenvolvimientu Rural y Agroalimentación del Gobiernu del Principáu. A esa mesma hora, celébrase'l Taller de FIGURES CON FLORES, impartíu pola florista local Artemisa Alonso Rozada. A las 19:30 h. “SHOWCOOKING” con productos de la Güerta del Valle de Carreño, al cargu del chef Iván Martínez Villar del Rte. “La Gran Vetusta” n'Uviéu.

El llunes, 22 de xunetu a les 18:00 h. Taller de ELLABORACIÓN XABONES ARTESANALES, impartíu por Óleum Jabones. Maestros artesanos del xabón afincaos en Santa Eulalia de Cabranes que recoyeron los métodos ancestrales d'ellaboración y usen toos los recursos que la naturaleza da recoyendo los sos arumes col fin d'ufiertar un cúmulu de sensaciones en cada productu qu'ellaboren. Las persones inscrites nel taller van trabayar por pareyes na preparación de xabones artesanales.

A les 21:00 h. espicha popular pal vecinderu de la parroquia, collaboradores y espositores del certame. Mientres la mesma, entrega de premios de los distintos certames y sortéu de regalos ente asistentes amás de Chicolatada.