La Plaza Hermanos Helio de Candás acueye, dende güei, vienres 9 d'agostu y hasta el domingu 11 d'agostu la XX edición de la Feria d'Artesanía de Candás. 

Un total de 13  artesanos y artesanes procedentes d'Asturies y Castiella y Llión, van participar nesta nueva edición, que abre les sos puertes a partir de les 17 hores.

La feria va cuntar con actuaciones musicales, talleres pal públicu infantil de manualidades y artesanía y talleres en vivu ufiertaos polos as propios/es artesanos/es.

“A lo llargo de los sos venti años d'esistencia la feria siempre cuntó con un altu grau de participación per parte d'artesanos/es, y esta edición nun podía ser menos, calteniendo un númberu similar al d'ediciones pasaes, lo que demuestra que ye una feria que se consolidó como un referente del branu candasín. Amás nesta edición volvemos repitir l'allugamientu del 2018, la Plaza de los Hermanos Heliu. Tres l'ésitu collecháu na anterior edición dende la Conceyalía de Turismu decidimos volver cuntar col marcu incomparable d'esta plaza, nal que la sollerte mirada de “la Marinera” d'Antón acolumbra tol mar"esplicó la conceyala de Turismu María Rosa Nodal.

Esta actividá ta entamada pol Conceyu de Carreño en collaboración con Artesanía d'Asturies y sofitu de la Conseyería d'Empléu, Industria y turismu del Principáu d'Asturies.

“L'oxetivu d'estos mercaos artesanales ye favorecer el desenvolvimientu del sector artesanal de la contorna, favoreciendo la creación d'unos calces de comercialización nos que recuperar y caltener les manifestaciones artesanales de la zona, favoreciendo'l fomentu, la divulgación de les técniques y enseñances artesanales” comentó la Concejala. 

L'horariu de la feria ye'l que sigue:

• Vienres 9 d'agostu de 17 a 21 hores

• Sábadu 10 d'agostu de 11 a 21 

• Domingu 11 d'agostu de 11 a 21 hores

Amás, mientres esta fin de selmana de feria na villa marinera de Candás puede esfrutase de les actividaes enmarcaes dientro de la Selmana del Jazz, que dieron empiezu'l pasáu llunes 5 d'agostu y van enllargase hasta'l sábadu 10 d'agostu.

Artesanos y artesanes participantes Feria d'Artesanía 2019 van ser los siguientes: 

 Marta Luisa Muniello Suarez - Macramé 

Vidreros Llue - Elementos realizaos con vidriu

Cristina Rodriguez González - Cueru 

Charo Visos Carbajo - Artículos de decoración

Antonio Rodriguez Rúa - Acebache 

Rita Prendes Artime - Cerámica

Sonia Fernández Paraja - Cuery

Encarnación Jiménez Pérez – Llana

Isabel Sánchez García-Cerámica 

Sheila Gervasoni da Silva-Testil

Luis Antonio Moreno Milán-Cerámica

Pablo Redondo Vergara- Xoyería

Alicia Huerta Orviz-Cerámica 

El programa d'actividaes de la Feria d'Artesanía va ser:

Vienres 9 d'agostu 17:@00

hores. Apertura de la XX Feria d'Artesanía de Candás

18:30 hores. Actuación de Gaita y Tambor

Sábadu 10 d'agostu 11:00

h Taller Infantil “Desfaciendo Maíz” de Pilar Vega 17:00

h Taller Infantil “Desfaciendo Maíz” de Pilar Vega 

Domingu 12 d'agostu 11:00

hores Taller Infantil de magre  al cargu d'Alicia Huerta

21:00 hores. Clausura de la XX Feria de l'Artesanía de Candás.