El Conceyu de Carreño aprobáu'l llistáu provisional pol que se conceden les Beques Comedor al alumnáu de los Centros Educativos de Carreño que cursen los sos estudios na segunda etapa d'Educación Infantil y Enseñanza Primaria mientres tol períodu llectivu del cursu 2019-2020.
“La finalidá d'estes ayudes ye favorecer la conciliación llaboral de proxenitores o tutores que por escasez de recursos nun puedan faer frente al costu de serviciu, sofitar a les families con dificultaes económiques o ufiertar una midida de sofitu pa menores con faltes na so atención qu'implique desprotección nel marcu de la Llei de Protección del Menor 1/1995 del Principáu d'Asturies” comentó María Rosa Nodal-Concejala de Bienestar Social.
Una vegada rematáu'l plazu de presentación de solicitúes y tres la so pertinente evaluación técnica y baremación polos Servicios Sociales Municipales, aprobóse la propuesta d'aprobación del llistáu provisional de les Beques de Comedor concedíes, escluyíes o de subsanación de documentación, señalando nel so casu el motivu de la denegación o la documentación riquida.
“Y acordies con lo establecío apartáu 10, tramitación, resolvimientu, publicación y notificación, de les bases y convocatoria, aprobaes por Alcuerdu de la Xunta de Gobiernu Local de fecha 25 d'abril de 2019 (publicaes en BOPA nº 103 de 30 de mayu de 2019), que rixen la concesión d'estes ayudes, va concedese un plazu de 10 díes, a cuntar dende a otru día a la so publicación pa presentar allegamientos y/o iguar la documentación, con indicación de que si non lo fixeren va tenése-yos por arrenunciaos/es del so pidimientu. Esti plazu remata'l vienres 13 de setiembre” prosiguió la Responsable de la Área.
Presentáronse 48 solicitúes pa optar a una Beca Comedor, de les cualos, anguaño tres la publicación del llistáu provisional y a la espera de la finalización del plazu de 10 díes pa presentar allegamientos y/o iguar documentación:
• Concediéronse provisionalmente 29 ayudes
• Esclúyese provisionalmente 1 solicitú al nun cumplir los requisitos establecíos na convocatoria Pa iguar y apurrir documentación riquida tán 18 solicitúes
La Beca Comedor concedíes va tener una cuantía igual al costu del preciu establecíu en cada Centru pal menú escolar. Siendo efectiva dende'l primer día de prestación del serviciu de comedor en cada Colexu.
“Nel cursu 2018-2019, 35 families del Conceyu fueron les que se beneficiaron d'estes Beques Comedor. Siendo l'ayuda destinada a tal fin cuantificada en más de 25.000 €. Con estes ayudes municipales tratamos de desaniciar la situación que pudieren tar travesando les families de Carreño. Y dientro d'estes a les persones más vulnerables, los neños y les neñes” remató la Concejala.
El llistáu provisional de Beques Comedor concedíes ta publicáu en: la páxina web del Conceyu de Carreño, nel siguiente enllaz https://www.ayto-carreno.es/web/ayto-carreno/noticias dende onde podrá descargase o consultar; nel Centru de Servicios Sociales Municipales sito na cai Nicanor Piñole, 1 de Candás; y nos Centros Escolares d'Educación Infantil y Primaria de la Villa.
Albandi
