Arrinca una nueva edición de les Escueles y Guardería Deportives

Nel presente añu, el consistoriu de Carreño destinó cerca de 700.000 a la promoción del deporte base.

El Polideportivu Municipal “Vicente López Carril” vistióse de gala pa presentar una nueva edición del programa deportivu “Escueles y Guardería Deportiva” pal cursu 2019-2020.

Un actu de presentación tuvo llugar na tarde de este martes, 1 d'ochobre, na cancha principal del equipamientu municipal, cuntando cola presencia del Conceyal de Deportes, David García, y el xerente del patronatu deportivu, Manuel Muñiz.

Un programa deportivu gratuitu, que tres 32 años nel casu de les Escueles; y 31 nel de la Guardería, consolidóse como unu de los referentes na polítiques municipales de promoción del deporte nel ámbitu local, rexonal y nacional.  Una actividá que nun sería posible, y nun lo ye, ensin l'enfotu de les families carreñenses, el compromisu d'un cuerpu técnicu entornáu na promoción del deporte base en Carreño y la collaboración de la entidaes deportives locales” señaló David García-Conceyal de Deportes.

Estes actividaes son entamaes, coordinaes  y financiaes íntegramente col presupuestu del Patronatu Deportivu Municipal (340.015€) y en collaboración con distintos clubes del Conceyu, más de 400 neños y neñes, ente los 3 y los 16 años van desenvolver la so actividá deportiva mientres la próxima temporada, atendiendo a la so  edá, en:

•       Escueles Deportives. Pudiendo participar en dalguna de les 8 disciplines deportives: axedrez, atletismu, balonmano, ciclismu, futbito, ximnasia rítmica, piragüismu y voleibol, los neños y neñes ente 5/6 años, dependiendo de la modalidá, y hasta los 16 años.

•       Guardería Deportiva. Van Poder aportar a esti recursu los neños y neñes ente 3 y 5 años, siempre y cuando cumplieren yá los 3 años.

El compromisu del Conceyu de Carreño cola promoción del deporte base suscríbese non solo al financiamientu del  Patronatu Deportivu. En concretu n'anguaño 2019, a los 340.015€ de presupuestu del Patronatu hai qu'añedir delles inversiones na meyora de les instalaciones y equipamientos deportivos que se llevaron a cabu en dellos puntos del conceyu, superando los 300.000 €” prosiguió García.

Ente estes inversiones  destaquen nel añu 2019:

•       Reforma de les canches de tenis y reurbanización del ámbitu pa favorecer la instalación de dos pistes de pádel cubiertes en complexu deportivu del polideportivu municipal en Candás con 103.797€

•       Zarru perimetral de la Pista Polideportiva cubierta “Monte Areo” n'El Valle con una inversión de 199.520,05 €

Na próxima selmana va empezar l'adecuación d'un nuevu espaciu saludable nesti casu en POAL.

Pero esti compromisu municipal cola promoción del deporte base traduzse non solo n'obres de meyora d'instalaciones, sinón que tamién llega al sofitu a deportistes destacaos y como nun podría ser d'otra manera a les entidaes deportives que faen posible qu'en Carreño esfrutemos del deporte como en pocos conceyos asturianos. Esti sofitu a entidaes y deportistes tien reflexu na convocatoria d'ayudes, beques y subvenciones  añales por importe de más de 45.000 €” remató'l Conceyal responsable de la Área de Deportes.