 |
| Directiva, Alcaldesa de Carreño y rexidor de Gozón |
L'asociación vecinal L'Ablanal del barriu candasín de Regueral tuvo de cumpleaños, esti sábadu 19 d'ochobre celebró la conmemoración el 40 Aniversariu de la so constitución mientres el so tradicional alcuentru añal.
L'alcuentru tuvo llugar nun conocíu establecimientu hosteleru de la parroquia de Perlora, nel que más de 130 asistentes esfrutaron d'una xornada de confraternización nel que nun faltaron les rises, la música y por supuestu les alcordances.
Una xornada marcada non yá pol aniversariu de l'asociación si non pol homenaxe que recibieron dos de les persones acomuñaes. Nesti tercer alcuentru vecinal les persones homenaxaes fueron el sociu de más edá, Francisco Vega Muñiz; y la socia más moza Iyana Gutiérrez Menéndez. Dambos recoyeron la placa conmemorativa y los presentes, de manos del presidente d'esta comunidá vecinal, Enrique García.
Francisco Vega Muñiz “ Quico”, del barriu de la Teyera, cumplió fai apenes unos díes 90 años. Nació'l 14 d'ochobre de 1929. Ferroviariu d'oficiu, nos sos más de cuarenta años d'oficiu, exerciciu les funciones de maquinista principal, nun primer momentu na compañía del “Carreño”, pa más tarde pasar a la empresa de los Ferrocarriles Españoles de Vía Estrechen (FEVE), na que llegaría a la edá de xubilación. Taba destinada a la llínea Xixón-Avilés, anque tamién n'ocasiones llegaba col so “Carreño” hasta Pravia. Como anécdota de vida profesional cabe destacar que cuando llegó a esa edá de xubilación yera'l trabayador de la empresa con más años cotizaos. Casóse con Etelvina y tuvieron una fía Adelina. Esta ye bien quería y apreciada non yá nel so barriu si non en tol Conceyu pos dedicó y dedica tola so vida profesional a la enseñanza nel Colexu Poeta Antón de Candás. Quico, magar los alifaces típicos de la edá, atópanse perfectamente de salú.
La socia más nueva con 17 meses d'edá ye Iyana Gutiérrez Menéndez. Tamién del barriu de la Teyera nació'l 17 de mayu de 2017 (ye la nieta de Carmina).
Mientres l'actu d'entrega de los detalles, l'asociación quixo recordar a los sos 5 Presidentes, que nos 40 años d'hestoria rixeron la entidá. Estos fueron: Carlos Suárez Pérez; Jesús Rodríguez Artime; José Antonio Villaroel Alonso; José Carlos Sánchez Cuervo; y l'actual Enrique García Álvarez.
Tres la comida vecinal y el sortéu de regalos, pudieron esfrutar de les actuaciones colos monólogos del cómicu astruriano José Manuel Regueru “el Maestru”; y les actuaciones de “Embruxu del Sur”, “Juanín de la Torre” y el Grupu Melodía”.
Albandi
