Más de 146.000 persones allegaron a les sableres de Carreño nel pasáu branu

Según datos recoyíos polos servicios de salvamentu y socorrismu de les sableres de Carreño que disponen d'esi serviciu, Palmera, Carranques, Xivares y Huelgues, más de 146.000 usuarios y usuaries visitaron los nuesos arenales nel pasáu branu d'esti añu 2019. 

Les sableres de Palmera y Carranques son los arenales con mayor arribación con Xivares porcentualmente mui cerca y con menor arribación la sablera de Huelgues. 

Agostu foi'l mes  con mayor concentración de visitantes con casi la metá del númberu rexistráu en toles sableres mientres el branu.



Tocantes a incidencies con actuaciones de los socorristes destacar que namás se produció un rescate ensin necesidá d'usu de la llancha salvamentu, lo cual indica una bona llabor preventiva per parte de los equipos de socorrismu presentes nes sableres. Les incidencies relatives a cures, la mayoría tuvieron el so orixe en mancadures causaes por especies marines (aguamala, pexe gatuña) y en menor midida animales terrestres, contusiones, quemadures, cuerpos estraños en güeyos o erupciones cutanees. La sablera de Huelgues presentó una mayor casuística de cortes por piedres, daes les característiques particulares d'esa sablera.


Al respective de señalizaciones con banderes, la distribución foi la que sigue.



L'equipu humanu de salvamentu tuvo compuestu por 27 persones:

- 1 Responsable de proyectu
- 1 Coordinador/a Xeneral
- 1 Coordinadora del conceyu
- 2 lancheros/es
- 4 Responsables de sableres
- 18 socorristes