L'alumnáu de les Escueles Rurales del Conceyu participó n'una xornada de convivencia.
Neños y neñes que diariamente alleguen a les Escueles Rurales de Quimarán-El Valle y de Llorgozana camudaron per un día los pupitres, llibros, llapiceros, gomes… pa esfrutar d'una xornada en contactu directu cola naturaleza, de convivencia na que vieron in situ lo que n'estos dos meses de seronda aprendieron nes aules.
Con esi oxetivu treslladáronse al conceyu de Somiedo, al área del Parque Natural de Somiedo, Reserva de la Biosfera declarada asina pola Unesco nel añu 2000. El motivu de la elección d'esti llugar y non otru, ye que esti conceyu ye'l únicu d'Asturies nel que se caltiemen los teitos y la tradición de teitar.
Nel patiu del centru educativu de Quimarán-El Valle esisten varies construcciones circulares sin telláu, y con la finalidad de da-yos un bon usu, la comunidá educativa solicitó al consistoriu carreñense teitar eses edificaciones nel marcu del proyectu educativu del centru.
L'Ayuntamientu de Carreño recoyó esta iniciativa y tres mantener contactos col Ayuntamientu de Somiedo, dambes entidaes llegaron a un alcuerdu de collaboración. Este va consistir en que, personal municipal del Ayuntamientu de Somiedo, cualificáu na acción de teitar, treslladarase a Carreño y cola so su supervisión coordinación con el personal municipal carreñense van teitar les cabañes de la Escuela Rural. Polo que la visita a Somiedo tien un doble fin, per un lláu poner en práctica los conocimientos adquiríos, y amás per otru conocer los teitos.
Un Teito ye un tipu de construcción típica de Somiedo que tien les muries de mampostería y el telláu compuestu por un tramáu de madera que sustenta una cobertoria vexetal. La cobertoria xeneralmente ye de planta d'escoba, siendo l'elementu más singular de la edificación y del que toma el nome de Teito, ya que ta en el dialectu asturllionés y ye emplegáu pa referise a cualquier tipu de “telláu” vexetal.
Tres la salida conxunta de les dos Escueles, la xornada cultural comenzó cola visita empuesta a la Casa del Osu de Pola de Somiedo; tres ella, l'alumnáu percorrió les instalaciones del Ecomuséu de Somiedo onde amás esfrutaron del almuerzu. Una vegada que recuperaron fuerces, visitaron los Teitos de Veigas nel Valle de Saliencia, onde aún se caltienen trés cases con el teito d`escoba y la estructura y moblame antiguos, amosándose al visitante tal y como yeren nos tiempos nos que taben habitaes.
Albandi
