El Plan Local d'Empléu, subvencionáu pol Serviciu Públicu d'Empléu del Principáu, va dexar la firma de los contratos, d'un añu de duración.
El Conceyu de Carreño va escoyer mientres el primer trimestre de 2020 a un total de 8 trabayadores en situación de desempléu pa la realización de distintes obres y servicios a la comunidá.
Los contratos, de 1 añu de duración, encuadrénse nel Plan d'Empléu nel marcu de los itinerarios integraos deactivación nel ámbitu local, cofinanciáu pol Serviciu Públicu d'Empléu del Principáu d'Asturies con una subvención de 200.000 €.
Los puestos que van ser cubiertos al traviés d'esti plan d'empléu temporal son los siguientes: 1 Oficial Albañil, 1 Oficial Carpinteru/a, 1 Oficial Xardineru/a, 1 Oficial Pintor/a, y 4 operarios/es pa sofitu a los oficios. Prevese que como fecha tope nel mes de Marzu empecipien los sos trabayos.
Estes 8 persones que se contraten van executar una serie d'obres y servicios d'interés xeneral y social, que formen la Programación d'obres y servicios del Plan d'Empléu 2019-2020”.
Pa poder participar nel procesu de selección, tendrán de cumplir los siguientes requisitos:
▪ Pertenecer, a fecha 2 d'ochobre de 2019, a dalgún de los siguientes colectivos: paráu/a de llarga duración (esto ye, nun trabayar más de 93 díes nos 12 meses darréu anteriores), o bien persona en situación d'esclusión social.
▪ Nun ser perceptor/a de Prestación per desempléu a nivel contributivu, a fecha 2 d'Ochobre de 2019.
▪ Nun ser contratáu/a pol Conceyu de Carreño mientres más de 4 meses nel marcu de los Planes Locales d'Empléu de 2017 nin de 2018.
▪ Tar inscritu/a como demandante d'empléu nes oficines del SEPEPA, nel momentu de la formalización del contratu.
Pa poder participar na selección de los 4 puestos d'Oficial, va ser amás requisitu'l ser mayor de 45 años (nacer antes del 2 d'Ochobre de 1974), y tener el carné de conducir “B”.
Per otra parte, siquier 2 de los puestos de Operariu-a van ser ocupaos por persones perceptores del Salariu Social Básicu (a fecha 2 d'ochobre de 2019).
van valorase na fase de concursu como méritos, ente otros, l'empadronamientu nel conceyu, la condición de víctima de violencia de xéneru y el grau de discapacidá igual o superior al 33 %.
Les persones trabayadores del Plan van desenvolver les sos xeres ente'l 1 de marzu de 2020 y el 28 de febreru de 2021, y van ser incorporaos a un itinerariu personalizáu d'insertamientu, desenvueltu pola Oficina del SEPEPA.
Les persones comenenciudes en participar nel Plan Local d'Empléu tendrán de presentar la solicitú correspondiente ante'l Conceyu de Carreño, una vegada que se abra la convocatoria prevista primeramente del 16 al 26 de Xineru.
El Conceyu va publicar na páxina web les bases pa cada puestu y requisitos.
Albandi
