La nueva pista de tenis allugada nel complexu Polideportivu Municipal “Vicente López Carril” va abrir al públicu nos próximos díes.

“Nos esteriores de la instalación deportiva pública esistíen d'antiguo dos pistes de tenis que debíu al estáu de deterioru que presentaben, al so obsolescencia y inadecuación funcional, nelles non podía llevase a cabu la práctica normalizada d'esti deporte. La reforma que plantegamos consistió na implantación  d'una nueva pista de tenis reglamentaria y la reurbanización del ámbitu pa favorecer una futura instalación de dos pistes de pádel cubiertes. D'esta forma tratamos de dar respuesta a una de los pidimientos formulaos pol vecinderu nel últimu procesu de presupuestos participativos” señaló Amelia Fernández López-Alcaldesa de Carreño.  

“Dende la Conceyalía de Deportes encargóse a la Oficina Técnica Municipal la ellaboración del proyectu de Reforma de les Pistes de Tenis de Candás pa la so posterior contratación. Tres el procesu de llicitación correspondiente, al que se presentaron dos empreses, les  obres fueron axudicaes a GALITEC DESENVOLVIMIENTOS TECNOLÓGICOS, S.L. por un importe final de 103.797,43 €, al ser esta la ufierta más ventaxosa en términos calidable-preciu” avanzó Fernández. 

“Proyectóse, amás de la implantación y equipamientu completu de la nueva pista de tenis reglamentaria al campu con llume artificial, la obra civil, rede de saneamientu ya instalación eléctrica necesaria pa una implantación inmediata - si se dispon de presupuestu municipal- d'una pista de pádel cubierta, susceptible de ser doblada fácilmente” –siguió la rexidora. 

Les obres de meyora, tal que figura nel proyectu redactáu pol Arquiteutu Municipal, empezaron  cola roza y llimpieza de la vexetación esistente nel ámbitu de les obres, retirando la capa de tierra vexetal qu'había y atropándola pal so posterior reutilización. 

De siguío siguióse col desmontaje y retirada de los vallaos, redes ya instalación eléctrica esistente, previa neutralización de la mesma y atroxu de los elementos d'allumáu pal so posterior reutilización; según cola baltadera de los elementos de fábrica o pavimentos qu'interferíen nel desenvolvimientu de les obres y cola nueva urbanización.

Darréu, la empresa axudicataria, procedió, per medios mecánicos, a la explanación perfiláu y niveláu de tierres que precisaba la nueva urbanización, según a la escavación de cabianes y pozos necesarios pa la execución de les cimentaciones ya instalaciones proxectaes

Nel casu de la pavimentación realizóse por aciu formigón porosu, a base de tremáu de cementu y gravilla de granulometría escoyida, con una rimada tresversal continua y terminación/marcaxe final por aciu l'aplicación de dos capes de pintura a base de resines con micro-gran d'alta densidá 

“Les obres inclúin el valláu perimetral de la nueva pista de tenis por aciu un zarramientu de malla metálica plastificada, de simple torsión, de 40/14 y 4 m. d'altor sobro tubos galvanizaos en caliente y pintaos, recibíos al zuncho por aciu empotramientu mecánicu “in situ”. Esti zarramientu va cuntar con una puerta de la so mesma calidá y dotada de pesllera col doble oxetivu de controlar l'usu correctu de la instalación deportiva y evitar posibles actos vandálicos” concluyó Amelia.