10/5/2016

Programada esperiencia de Land Art nel Parque Escultóricu del Centru d'Escultura Museo Antón de Candás. El Muséu propón esta actividá pa compartir en familia y onde podrá afayase tou lo que nos ufierta'l Parque Escultóricu de Candás pa miralo con otros güeyos y crear obres d'arte efímeru construyíes colos materiales naturales.

Esta actividá va realizase el sábadu 14 de mayu de 11 a 13 :00 hores, ta dirixía a neños y neñes de 5 a 12 años d'edá que van poner tar acompañaos de les sos families.

Pa poder participar ye precisu inscribise primeramente nel Muséu Antón a partir del 10 de mayu bien per teléfonu o nel corréu electrónicu: info@museoanton.com

Paralelamente'l muséu candasín entama un Conciertu de Música de Cámara esi mesmu sábadu 14 de mayu, yá na tarde a les 19:00 hores, a cargu del alumnáu del Conservatorio Municipal Julián Orbón d'Avilés.

Toles actividaes son gratuites.