L'Asociación d'Esclerosis Llateral Amiotrófica ELA-Principáu, declarada d'Utilidá Pública, concedió l'IX Premiu IMPULSO 2019 al Conceyu de Carreño pola so collaboración, compromisu y sofitu tantu a les persones afectaes por esta dolencia como a los sos familiares.
ELA Principáu ye una entidá ensin ánimu d'arriquecimientu fundada nel añu 2001 al envís d'atender les necesidaes específiques de les persones afectaes d'Esclerosis Llateral Amiotrófica y la so redolada familiar fomentando la meyora de la so calidá de vida.
La Esclerosis Llateral Amiotrófica, tamién conocida como Enfermedá de Lou Gerig, ye una enfermedá dexenerativa de les célules nervioses del sistema motor. Les motoneurones, un tipu de célules nervioses que controlen el movimientu de la musculatura voluntaria, gradualmente mengüen el so funcionamientu y muerren, provocando debilidá y atrofia muscular.
La causa de la ELA pel momento ye desconocida. Na actualidá nun esiste tratamientu curatible pa la enfermedá, anque si tratamientos paliativos y de control de síntomes. El riluzole ye l'únicu axente aprobáu como tratamientu específicu pa la ELA. La calidá y esperanza de vida varia en cada casu.
N'España, envalórase que cada añu diagnostíquense unos 900 nuevos casos de ELA y que'l númberu total d'afectaos ye de 4000 persones aprosimao.
Dende fai 9 años l'Asociación ELA-Principáu otorga los Premios Impulso, coles mires de reconocer la llabor d'aquelles persones ya instituciones que collaboraron d'una o otra manera cola organización, ameyorando la calidá de vida de les persones afectaes de ELA y les sos families, contribuyendo asina na llucha contra la Esclerosis Llateral Amiotrófica.
Nesta edición, Carreño como entidá pública y el BBVA como entidá privada, van pasar a engrosar el llistáu de premiaos por ELA Principáu. Relación de premiaos qu'inauguraron, na so primer edición, la Conseyería de Salú y los Servicios Sanitarios del Principáu d'Asturies, la entidá bancaria Cajastur, y el doctor Alberto García, Neurólogu del Hospital Central d'Asturies.
N'anteriores ediciones los galardonaos fueron el personal d'enfermería de la Quinta Planta esquierda del Hospital Universitariu Central d'Asturies; El Corte Inglés; Fundación Alimerka; la Fundación Caja Rural de Gijón; Fundación Municipal de Servicios Sociales del Conceyu de Xixón; los Servicios de Nutrición d'Enfermería de consulta de neumoloxía del HUCA; y l'entidá Surf Solidariu, ente otros.
“Carreño ye un conceyu responsable, comprometíu, y solidariu. Esta enfermedá tocónos próxima, despidimos a una vecina de Candás y la so llucha tenémosla bien presente. Anguaño, Arturo Rodríguez y la so familia, ente otros, combaten la mesma. Esti galardón reconoz l'impulsu del nuesu vecinderu que siempres suma voluntariamente sofitos y recursos pa les persones más vulnerables. Supon una motivación, si cabo entá más fuerte, pa siguir poniendo enfotu y collaborando, dende l'ámbitu local, nesta llucha contra la ELA. A tal fin, los pequeños actos que dende les distintes árees municipales entamamos tienen un doble oxetivu, per un sitiu visibilizar la enfermedá y sensibilizar a la población polo xeneral sobre les necesidaes de les persones que carecen esta enfermedá; y por otru recaldar fondos empobinaos a impulsar la so investigación y collaborar colos costos de dellos tratamientos palativos y exercicios rehabilitadores que contribúin a caltener la calidá de vida de les persones que la sufren. A última hora, apurrimos el nuesu pequeñu granín d'arena pa favorecer que n'Asturies quien la carecen puedan ser más visibles y tener una asistencia harmonizada” señaló Amelia Fernández, Alcaldesa de Carreño.
“La concesión d'esti premiu al Conceyu de Carreño como entidá pública supon reconocer un doble compromisu, el de l'alministración pública, y el compromisu del vecinderu del conceyu. Un compromisu que quedó patente con una alta participación local, el pasáu 16 marzu, na celebración de la I carrera solidaria “Cuerre y Marcha pola Esclerosis Llateral, Candás 2019” col fin de recaldar fondos destinaos a la llucha contra esta enfermedá” prosiguió Fernández.
“Esta primer carrera solidaria entamóse dende'l consistoriu, en collaboración col Patronatu Deportivu Municipal “Vicente López Carril” y el Club Náuticu de Carreño, 600 persones participaron na mesma. L'aportación que fixeron, al traviés de les inscripciones, xuntu coles donaciones del Dosal "0” xubieron a 4.500 €. Importe donáu a l'asociación Ela-Principáu. A pidimientu de la presidenta de l'Asociación Rexonal vamos estudiar la posibilidá de celebrar cada añu, en redol a una fecha establecida,xuna carrera solidaria en Candás. Pretendemos que la celebrada anguaño nun sía un fechu puntual sinón que la collaboración perdure” comentó la rexidora.
“Más cercanu nel tiempu, y a pidimientu de l'Asociación rexonal, sumamos tamién a los actos del Día Mundial contra la ELA, celebraos el pasáu 21 de xunu. Participamos con dos llumes d'espacios públicos dientro de la iniciativa LuzporlaELA, en Carreño ya instalamos el llazu verde nel balcón del antiguu Conceyu. Tou ello, como reflexu del sofitu solicitáu a toes aquelles persones que d'una forma o otra carecen y sufren esta enfermedá. Estimamos a María José Álvarez, Presidenta de la entidá y al so equipu directivu, el so tesón y fuerza pa non flaquear na misión de visibilizar la enfermedá y sofitar a les persones enfermes pa concenciar a la sociedá sobro les dificultaes que traen nel día ente día. Tou esfuerzu ye importante y necesariu frente a una enfermedá, bien insidiosa y complicada, que'l so horizonte y calidá de vida ameyoraron y tienen de siguir ameyorando coles aportaciones dende tolos ámbitos” remató Amelia.
La entrega del galardón al consistoriu de Carreño, que va tener llugar esti Vienres, 12 de xunetu, nel intre d'una Gala Benéfica en Xixón. La distinción ye un diseñu del escultor xixonés Enrique Tirador. El cual - tal que espresó la entidá convocante del galardón - supo captar perfectamente la esencia de los premios, creando una escultura d'una mano sana tirando de la d'otra enferma que reflexa la necesidá de sofitu que tien toa persona enferma.
ELA Principáu ye una entidá ensin ánimu d'arriquecimientu fundada nel añu 2001 al envís d'atender les necesidaes específiques de les persones afectaes d'Esclerosis Llateral Amiotrófica y la so redolada familiar fomentando la meyora de la so calidá de vida.
La Esclerosis Llateral Amiotrófica, tamién conocida como Enfermedá de Lou Gerig, ye una enfermedá dexenerativa de les célules nervioses del sistema motor. Les motoneurones, un tipu de célules nervioses que controlen el movimientu de la musculatura voluntaria, gradualmente mengüen el so funcionamientu y muerren, provocando debilidá y atrofia muscular.
La causa de la ELA pel momento ye desconocida. Na actualidá nun esiste tratamientu curatible pa la enfermedá, anque si tratamientos paliativos y de control de síntomes. El riluzole ye l'únicu axente aprobáu como tratamientu específicu pa la ELA. La calidá y esperanza de vida varia en cada casu.
N'España, envalórase que cada añu diagnostíquense unos 900 nuevos casos de ELA y que'l númberu total d'afectaos ye de 4000 persones aprosimao.
Dende fai 9 años l'Asociación ELA-Principáu otorga los Premios Impulso, coles mires de reconocer la llabor d'aquelles persones ya instituciones que collaboraron d'una o otra manera cola organización, ameyorando la calidá de vida de les persones afectaes de ELA y les sos families, contribuyendo asina na llucha contra la Esclerosis Llateral Amiotrófica.
Nesta edición, Carreño como entidá pública y el BBVA como entidá privada, van pasar a engrosar el llistáu de premiaos por ELA Principáu. Relación de premiaos qu'inauguraron, na so primer edición, la Conseyería de Salú y los Servicios Sanitarios del Principáu d'Asturies, la entidá bancaria Cajastur, y el doctor Alberto García, Neurólogu del Hospital Central d'Asturies.
N'anteriores ediciones los galardonaos fueron el personal d'enfermería de la Quinta Planta esquierda del Hospital Universitariu Central d'Asturies; El Corte Inglés; Fundación Alimerka; la Fundación Caja Rural de Gijón; Fundación Municipal de Servicios Sociales del Conceyu de Xixón; los Servicios de Nutrición d'Enfermería de consulta de neumoloxía del HUCA; y l'entidá Surf Solidariu, ente otros.
“Carreño ye un conceyu responsable, comprometíu, y solidariu. Esta enfermedá tocónos próxima, despidimos a una vecina de Candás y la so llucha tenémosla bien presente. Anguaño, Arturo Rodríguez y la so familia, ente otros, combaten la mesma. Esti galardón reconoz l'impulsu del nuesu vecinderu que siempres suma voluntariamente sofitos y recursos pa les persones más vulnerables. Supon una motivación, si cabo entá más fuerte, pa siguir poniendo enfotu y collaborando, dende l'ámbitu local, nesta llucha contra la ELA. A tal fin, los pequeños actos que dende les distintes árees municipales entamamos tienen un doble oxetivu, per un sitiu visibilizar la enfermedá y sensibilizar a la población polo xeneral sobre les necesidaes de les persones que carecen esta enfermedá; y por otru recaldar fondos empobinaos a impulsar la so investigación y collaborar colos costos de dellos tratamientos palativos y exercicios rehabilitadores que contribúin a caltener la calidá de vida de les persones que la sufren. A última hora, apurrimos el nuesu pequeñu granín d'arena pa favorecer que n'Asturies quien la carecen puedan ser más visibles y tener una asistencia harmonizada” señaló Amelia Fernández, Alcaldesa de Carreño.
“La concesión d'esti premiu al Conceyu de Carreño como entidá pública supon reconocer un doble compromisu, el de l'alministración pública, y el compromisu del vecinderu del conceyu. Un compromisu que quedó patente con una alta participación local, el pasáu 16 marzu, na celebración de la I carrera solidaria “Cuerre y Marcha pola Esclerosis Llateral, Candás 2019” col fin de recaldar fondos destinaos a la llucha contra esta enfermedá” prosiguió Fernández.
“Esta primer carrera solidaria entamóse dende'l consistoriu, en collaboración col Patronatu Deportivu Municipal “Vicente López Carril” y el Club Náuticu de Carreño, 600 persones participaron na mesma. L'aportación que fixeron, al traviés de les inscripciones, xuntu coles donaciones del Dosal "0” xubieron a 4.500 €. Importe donáu a l'asociación Ela-Principáu. A pidimientu de la presidenta de l'Asociación Rexonal vamos estudiar la posibilidá de celebrar cada añu, en redol a una fecha establecida,xuna carrera solidaria en Candás. Pretendemos que la celebrada anguaño nun sía un fechu puntual sinón que la collaboración perdure” comentó la rexidora.
“Más cercanu nel tiempu, y a pidimientu de l'Asociación rexonal, sumamos tamién a los actos del Día Mundial contra la ELA, celebraos el pasáu 21 de xunu. Participamos con dos llumes d'espacios públicos dientro de la iniciativa LuzporlaELA, en Carreño ya instalamos el llazu verde nel balcón del antiguu Conceyu. Tou ello, como reflexu del sofitu solicitáu a toes aquelles persones que d'una forma o otra carecen y sufren esta enfermedá. Estimamos a María José Álvarez, Presidenta de la entidá y al so equipu directivu, el so tesón y fuerza pa non flaquear na misión de visibilizar la enfermedá y sofitar a les persones enfermes pa concenciar a la sociedá sobro les dificultaes que traen nel día ente día. Tou esfuerzu ye importante y necesariu frente a una enfermedá, bien insidiosa y complicada, que'l so horizonte y calidá de vida ameyoraron y tienen de siguir ameyorando coles aportaciones dende tolos ámbitos” remató Amelia.
La entrega del galardón al consistoriu de Carreño, que va tener llugar esti Vienres, 12 de xunetu, nel intre d'una Gala Benéfica en Xixón. La distinción ye un diseñu del escultor xixonés Enrique Tirador. El cual - tal que espresó la entidá convocante del galardón - supo captar perfectamente la esencia de los premios, creando una escultura d'una mano sana tirando de la d'otra enferma que reflexa la necesidá de sofitu que tien toa persona enferma.
Albandi
