El Conceyu  de Carreño, convoca en réxime de concurrencia competitiva, pal presente cursu escolar, 2017-2018, les ayudes municipales col propósitu de sufragar los gastos derivaos de la Enseñanza Infantil, Bachilleratu, F.P., Módulos de Grau Mediu o Cimeru o análogos, Tresporte Universitariu y de les enseñances de la Escuela Municipal de Música “Miguel Barrosa” y  Tresporte a Centru d'Educación Especial.

“Tres la entrada a valir de la Llei 27/2013, de 27 d'avientu, de Racionalización y Sostenibilidá de les Alministraciones Locales, el Gobiernu central suprime a les alministraciones locales, esto ye, a los Conceyos, a los entes más cercanos a la ciudadanía, les competencies que teníen n'Educación. L'equipu de gobiernu de Carreño, siguiendo nel so enfotu d'ayudar al vecinderu sigue convocando estes ayudes pa la educación, llegando a onde el Ministeriu d'Educación nun llega”, señaló Cecilia Tascón- Conceyala d'Educación.

“Como edil responsable de les árees d'Educación y Bienestar Social soi conocedora de la situación pola que traviesen families del conceyu, polo que pal presente cursu escolar la partida económica destinada a ayudes a la educación nun foi minorada. Amás como complementu a estes ayudes, dende la Conceyalía pal presente cursu, convocóse una nueva llínea d'ayudes, les Beques de Comedor pa les persones empadronaes en Carreño que, cursen  los sos estudios en dalgún de los Centros d'Educación Infantil y Primaria del Conceyu” prosiguió Tascón.

L'importe y distribución de les ayudes va ser el siguiente:

·50 ayudes con destín a enseñanza infantil con dotación de 70 € caúna, destinaes al pagu de llibros y material escolar.

·30 ayudes con destín a bachiller, F.P., módulos de grau mediu o cimeru o análogos, con dotación de 175 € pa l'ayuda de llibros.

·30 ayudes de 300 €, destinaos a sufragar los gastos derivaos del tresporte universitariu pal alumnáu de centros de la Universidá d'Uviéu o n'universidaes públiques del territoriu nacional siempres que la titulación o formación universitaria nun s'imparta nel Principáu d'Asturies.

·15 ayudes por un importe de 80 €, con destín a sufragar enseñances impartíes en la Escuela de Música Municipal “Miguel Barrosa”.

·8 ayudes de 200 €, destinaes a sufragar los gastos derivaos del tresporte a centros d'Educación Especial.

Van Poder optar a les ayudes les persones que s'atopen empadronaes nel Conceyu y que tean matriculaes en dalgún de los niveles pa los que son destinaes.

El plazu de presentación de solicitúes va ser dende el 1 al 19  de setiembre 2017, dambos inclusive. Les solicitúes deben nel impresu oficial xuntu cola documentación necesaria nel Rexistru Xeneral del Conceyu de Carreño, sito na cai Santolaya, 1-3 de Candás, nel siguiente horariu:

·Llunes, Miércoles y Vienres de 9 a 14 hores

·Martes y Xueves de 9 a 14 hores  y de 15 a 18:30 hores..

Pa la concesión de l'ayuda va ser necesariu'l llogru de dalgún puntu. Pal llogru d'estos estremaránse los ingresos netos que figuren na unidá familiar ente'l númberu de miembros de los que consta la unidá. Por casu una familia formada por trés persones con unos ingresos de 21.000€, a cada unu de los sos miembros correspondería-y unos ingresos de 7.000€. Esta cantidá, según la tabla que s'axunta nes bases de la convocatoria corresponderíen-y 2 puntos.

Nel cursu 2016-2017 concediéronse 93 ayudes a families por un importe de  16.610 €.  Pal presente curso les pretensiones son les de ayudar a 133 families, destinando 20.550 €