Unes 2500 persones participaron esti 3
d'agostu nel Rally de la Sidra confirmando la brenga d'esti eventu
entamáu poles peñes candasines cola collaboración del Conceyu de
Carreño.
Trátase d'un acontecimientu popular y
eminentemente festivu al empar que defensor de la sidra asturiana
como elementu significativu de la nuesa rexón. La bona organización
dio llugar a una celebración sana y ordenada ensin incidente
dalgunu, como exemplu de convivencia y fiesta, que tuvo amás la
presencia de los servicios sanitarios en prevención de cualquier
incidencia de salú.
Los servicios municipales de llimpieza
empezaron les sos llabores na mesma tarde del Rally siguiendo darréu
para dexar en prefectes condiciones les redolaes de la celebración.
La fanfarria Pepe El Chelo punxo la
parte musical d'acompañamientu de la fiesta que, tres trés paraes
en distintos llugares de la villa marinera, remató de forma
multitudinaria nel Parque Inglés yá na nueche.
Albandi
