El próximu 9 de Noviembre a les 17:00 h. va tener llugar nes antigües escueles de Perlora la conferencia “Muévete por Carreño”.
Esta sesión informativa sobre vezos saludables va tar coordinada el médicu de la Mancomunidá Cabo Peñes, Vicente González Díaz y nella que van intervenir la Cardióloga Amelia Carro Hevia y la monitora de xerontuximnasia María del Mar Couto Bea, tamién va faese una presentación de la nueva Guía práctica sobre Espacios Saludables esistentes nel conceyu.
Al términu de la mesma fadráse entrega gratuita a asistentes d'un exemplar de la guía con distintes pautes de vezos saludables y exercicios pa caltenese n'activu. Pautes afeches a los equipamientos disponibles nos seis Espacios Saludables del conceyu allugaos en Prevera, Albandi, Perlora, Ambás, El Valle y Candás.
Na ellaboración d'esta guía práctica, pa la que se dispuso de financiamientu de la Federación Española de Conceyos y Provincies y del Ministeriu de Sanidá, participaron, amás de los conferenciante, José Gutiérrez Rodríguez, especialista en Xeriatría del Hospital Monte Naranco, el Patronatu deportivu municipal y Luisa Álvarez, monitora de ximnasia de caltenimientu y xerontuximnasia.
Albandi
