10 Establecimientos compiten en Candás nel VII Concursu Navidiegu d'escaparates

Diez escaparates pertenecientes a diez comercios minoristes de Candás van participar nel VII Concursu de Navidiegu d'Escaparates  entamáu por La Unión de Comerciantes del Principáu d'Asturies al traviés del Centru Comercial Abiertu de Candás y el Conceyu de Carreño.

Nel añu 2008 frutu del conveniu de collaboración ente la Unión de Comerciantes y el Consistoriu de Carreño nacía'l Centru Comercial Abiertu Candás. Un proyectu común nel qu'ufiertar a los comercios  aspeutos rellacionaos cola formación, ayuda a la xestión, aforru de costos y servicios xenerales amás de la realización d'acciones conxuntes de promoción que suponíen y suponen una reactivación del comerciu y de la economía local.   

A lo llargo d'esta década de collaboración públicu-privada, delles son les actividaes promocionales que se llevaron a cabu col únicu oxetivu de poner en valor daqué tan nuesu como ye'l pequeñu comerciu, el comerciu de proximidá. Ensin dir más allá, a lo llargo d'esti mes d'avientu, a la organización del VII Concursu d'Escaparate Navidiegos pel Centru Comercial Abiertu Candás, hai que suma-y l'actividá d'ociu infantil llevada a cabu los díes 5-6-7 y 8 d'avientu “La Fábrica de Suaños” na Antigua Fábrica d'Ortiz, l'allumáu navidiegu o'l sortéu esti mes de 26 caxes especiales de 80 € caúna.

“El plazu pa inscribise nel concursu'l comerciu minorista concluyó'l pasáu llunes 10 d'avientu. Pa participar cumplieron una serie d'esixencies tocantes a la temática de la decoración. La mesma tenía de xirar en redol a la Navidá, yá sía dende una visión más tradicional de la mesma, por aciu una decoración que remembrara'l sentíu más clásicu de la mesma y l'usu d'elementos decorativos tradicionalmente utilizaos nesta dómina; o orixinal, al traviés de decoraciones distintes, sorprendentes y qu'impliquen una forma novedosa de decoración. Pero, la decoración de los escaparates, sía tanto dende'l puntu de vista tradicional como orixinal, tien - en tolos casos- qu'integrar los productos y servicios qu'esi establecimientu pon a disposición de la so vecería” señaló Roberto Bueno, Conceyal de Promoción Económica.

El Xuráu, que va decidir el fallu del concursu, ta compuestu por trés profesionales rellacionaos col marketing, la comunicación y l'escaparatismu, totalmente ayenos a l'Asociación de Comerciantes y al Conceyu de Carreño: una persona periodista responsable de programes locales d'Onda Cero; una persona llicenciada en  Marketing, Director de Cuentes de pymes en Trescom comunicación; y una persona llicenciada en  Dirección d'Empreses, Master en Marketing y Comunicación. La visita a los centros participantes realizaráse a lo llargo del llunes 17 d'avientu. El Fallu d'esti Xuráu va ser definitivu y irrevocable, conociéndose única y puramente el día de la entrega de los premios” prosiguió'l conceyal. 

Los premios que se van otorgar  son:
• 1º Premiu Navidá 2018, va consistir nun premiu en metálicu de 500€ y troféu.
• 2º Premiu Navidá 2018, va consistir nun premiu en metálicu de 300€ y troféu.
• 3º Premiu Navidá 2018, va consistir nun premiu en metálicu de 200€ y troféu.

Amás va haber un cuartu premiu, “Premiu Popular”.  va recibilo aquel escaparate, d'ente los presentaos al concursu, más  votáu pola ciudadanía. En cada unu de los Centros participantes, va llograse un documentu pa rellenar y votar pol nuesu escaparate favoritu. El documentu va depositase nuna urna asitiada nel Edificiu Polivalente “La Baragaña”. Ente toes aquelles persones que depositen la so boleta na urna sortearáse un fin de selmana de turismu rural per Asturies. El Premiu Popular va consistir na entrega d'un troféu” rellató Bonu.

Los 10 comercios minoristes que participen nesta edición indistintamente escoyeron ente una decoración tradicional y orixinal, nos que podremos reparar el tradicional belén o la llegada del faroleru al muelle candasín arrodiáu de neños y neñes colos sos faroleros o l'árbol de navidá coles sos boles, lluces y regalos. Pero sobremanera, na mayoría, destaca un coloríu que nos recuerda a esta feches, los doraos, blancos, colloraos, plateados, la nieve, les lluces de tolos tipos, les flores de pascua, piñes… estos son: Zapatería joven Charol; Tien 21 Candás; Yedra Floristes; Marañuelas San Félix; Muebles Santarúa; Luylu, Ikebana, Óptica Astur; Peluquería Cris y Al Platu Vendrás” comentó Roberto Bueno.

El fallu del Xuráu y entrega de Premios va tener llugar el miércoles 26 d'avientu nel Salón d'Actos del Edificiu Polivalente “La Baragaña” a les 20:00h. Los comercios ganadores tendrán de caltener la so decoración hasta'l 6 de xineru del 2019” remató'l Conceyal.