La Conseyería de Desenvolvimientu Rural y Recursos Naturales publicó nel BOPA la convocatoria d'ayudes para l'añu 2019 correspondiente al programa LEADER y que xestiona, como entidá collabora de l'alministración, el Grupu de Desenvolvimientu Rural Asociación pal Desenvolvimientu Integráu del Centru d'Asturies Periurbano (ADICAP) con see na Cai El Fuerte s/n - Peroño 33440 Lluanco.
La convocatoria tien un presupuestu total de 676.764,00 € pa los años 2019, 2020 y 2021 y ta distribuyíu por partíes presupuestaries de la siguiente forma: pa empreses privaes: 496.908 €; entidaes locales: 165.172 € y entidaes ensin ánimu d'arriquecimientu: 14.684 €. El plazu para la presentación de solicitúes d'ayudes remata'l 30 de xineru de 2019. Toles solicitúes d'ayuda tán suxetes de primeres de concurrencia competitiva.
Son subvencionables los proyectos empresariales tantu de nueva creación como d'ampliación o modernización que s'alluguen en Carreño, Gozón y zona rural de Corvera y Llanera y que s'enmarquen en delles de les siguientes midíes del programa Leader: Inversiones n'esplotaciones agrícoles, ayudes a industries agroalimentarias, ayudes para l'establecimientu de sistemes agroforestales, puesta en marcha d'actividaes non agrícoles nes zones rurales (ticket del autónomu) y ayudes para inversiones a la creación y desenvolvimientu d'actividaes non agrícoles. Tamién son subvencionables inversiones non productives d'entidaes locales y entidaes ensin ánimu d'arriquecimientu dirixíes a formación, meyora del patrimoniu cultural y natural, enerxíes anovables y aforru enerxéticu, banda ancha rural, infraestructura turística y servicios básicos locales incluyíos ociu y cultu
Albandi
