La Mancomunidá del Cabu Peñes aumenta la flota de maquinaria

La inversión supera los 40 mil euros. 

La Mancomunidá del Cabu Peñes, formada polos Conceyos de Carreño y Gozón, adquirió un  brazu mecánicu con cabezal desbrozador  Cabezal y un Remolque de Tracción Mecánica que va complementar al Tractor propiedá del Ente Supramunicipal.

Nos Estatutos d'esta entidá, l'artículu 8 de los sos Estatutos, dedicáu a los sos fines, reflexa, ente otros, que tien por oxetu la solución de problemes comunes de los dos Conceyos integraos al traviés de procedimientos d'economía, eficacia v coordinación, creando y sosteniendo servicios que-yos interesen y especialmente obres públiques que englobaría el caltenimientu de caminos y el parque de maquinaria. La xestión de servicios básicos de calter públicu. 

So esta premisa y coles mires de caltener los viales públicos en condiciones óptimes de llimpieza por aciu corte y retirada de les borrafes vexetales que crecen nos marxes, cunetes, turries, esto ye, la so roza y llimpieza, llevóse a cabu esta inversión.  Cola compra d'esti Brazu Mecánicu con Cabezal Desbrozador y un Remolque de Tracción Mecánica dótase y  aumenta  l'equipamientu de maquinaria al tractor, propiedá de la entidá, y que da serviciu a los departamentos municipales d'obres de los dos Consistorios pa faer frente a la roza y llimpieza d'esos marxes, turries y cunetes de los caminos de titularidá municipal. 

A tal fin la Oficina Técnica Acomuñada foi encargada  de la ellaboración de la pertinente memoria valorada y prescripciones técniques que rixeron la contratación de la compra del equipamientu.  La contratación del suministru tramitóse por aciu un procedimientu abiertu simplificáu y tres el correspondiente procesu selectivu, la empresa resultante axudicataria de contratu y suministradora de los vehículos foi Agroem, S.L. Una empresa con más de 45 años d'esperiencia nos sectores de l'agricultura y xardinería, tanto a nivel profesional como particular. 

L'importe total de la compra de maquinaria, xubió a 43.590€ Brazu Mecánicu con Cabezal Desbrozador y un Remolque de Tracción Mecánica, que tienen les siguientes característiques:

· Brazu Mecánicu con Cabezal Desbrozador de la marca OSRI, modelu acrobat 609. Ye un brazu traseru con desbrozador nel llau derechu con un cabezal desbrozador d'anchu de trabayu de 1.25mm provistu de multicuchilla sobre un grillete intercambiable a martiellos. La rotación del cabezal va ser de 240º, ente que l'ángulu de barríu de 105º con rotación hidráulica.
Amás va tar forníu con bombes d'alta potencia, en fierro fundíu y aluminios; motores y pistones SAUER-DANFOSS; controles servopro-proporcionales y electroproportionales;  distribuidores hidráulicos d'hasta 5 movimientos compensaos y simultáneos; pantalla gráfica, diagnósticu, contador d'hores, axuste de velocidá de cada movimientu per parte del operador; bastidor, xasis, terminales de brazos y articulación de xiru de cabezal de fundición.

·Remolque de Tracción Mecánica de la marca Salas,  modelu 935 RT 048. Les midíes de la caxa son 2200x4400 mm. Ye un basculante hidráulicu pa 14 Tm. con doble botella y xiru traseru con tracción mecánica con reductora conexón manual qu'ufierta un mayor aplomu y resistencia, según un menor valumbu al bascular.