CARREÑO IMPULSA AYUDES PARA PEQUEÑES Y MEDIANES EMPRESES Y UNA NUEVA CAMPAÑA PARA INCENTIVAR EL CONSUMU LOCAL: Promoción Especial Día de la Madre 2020
El Consistoriu Local perfila nel nuevu presupuestu 2020, que tán axustando les distintes fuerces polítiques. Nel borrador de presupuestos contémplense :un nuevu programa d'ASA (Acción de Soporte del Trabayu Autónomu de Carreño) dotáu con un creitu inicial de 100.000 euros. Dichu programa contempla'l conceder una cantidá fixa de 500 € autónomos/es y negocios pequeños y medianos que cumpliendo les bases previstes na convocatoria viérense afectaos pol zarru d'establecimientos (dispuestu RD 465/2020 de 17 de marzu que modifica l'artículu 10 del RD 463/2020 de 14 de marzu). Y concederíase – d'aprobase'l presupuestu municipal - una cuantía fixa de 300€ tamién a autónomos/as y pequeñes y medianes empreses locales, que nun se vieron afectaes pol zarru d'establecimientos (dispuestu nel RD 465/2020 de 17 de marzu que modifica l'artículu 10 del RD 463/2020 de 14 de marzu), y que sufrieren unu amenorgamientu de la so facturación nel mes anterior a la solicitú d'esta subvención de siquier el 50%, en relación cola media efectuada nel semestre natural anterior (xunetu a avientu de 2019) a la declaración del estáu d'alarma (14 de marzu de 2020), y la recuperación del Plan municipal PEREL d'ayuda al Establecimientu como trabayador autónomu de persones desemplegaes con una dotación económica inicial de 30 mil euros. Esta llínea d'ayuda ( Renta de Subsistencia 2020) va xubir a 4.000 euros per cada persona desemplegada dada d'alta como autónomu/a, independientemente de l'actividá ya inversión qu'empecipiara l'actividá por cuenta propia nel períodu entendíu ente'l 2 d'avientu de 2018 y el 14 de marzu de 2020, dambos inclusive, y tener la so casa fiscal (y el so centru de trabayu o establecimientu abiertu al públicu, en casu de disponer del mesmu) nel conceyu de Carreño. L'oxetu d'esta ayuda ye la concesión de subvenciones a fondu perdíu a empreses pal establecimientu de persones desemplegaes como trabayadores en réxime autónomo, ayuda que-yos dexe disponer d'unos fondos pa caltener l'arranque de la so actividá económica, caracterizáu davezu por munchos gastos y poco mercao y cobros máxime si l'entamu de l'actividá foi recién cola crisis sanitaria.
Asina mesmu, nel presupuestu municipal refléxase l'aportación económica municipal de 27.000 euros pa realizar un nuevu conveniu añal cola Unión de Comerciantes d'Asturies para realizara acciones col comerciu y campañes de promoción.
“Tamos preparando cola Unión de Comerciantes d'Asturies el nuevu conveniu de promociones y de momentu vamos encetar una acción que tien como oxetivu incentivar el consumu adelantráu nos nuesos comercios por aciu la compra de TARXETES REGALO. Como les compres – non toes - pueden realizase nesti momentu exemplu, nes tiendes entá ensin abrir impúlsase esta iniciativa pa realizar les compres nel momentu que la situación vaiga normalizándose. En Candás delles persones treslladáronnos la so molición pola proximidá de la celebración del Día de la Madre y les dificultaes de poder regala-yos como n'años anteriores. Nel marcu de la relación de cooperación esistente, dende va años, cola asociación empresarial que preside Sara Menéndez , llanzamos esta campaña que va dexar al vecinderu de Carreño adquirir tarxetes regalo nos comercios del conceyu que se xunten. Nesta campaña pueden participar socios y non socios de la Unión al enmarcase dientro de la cooperación col consistoriu. Pasada esta promoción namá les empreses acomuñaes a la Unión van siguir na plataforma que tien la entidá pa estes compres”- esplicó Juan José Fernández, edil de promoción económica ya innovación.
Albandi
