L'Ayuntamientu de Carreño convoca como refuerzu pa la Banda de Música de Candás 5 beques pal cursu 2018-2019.

L'oxetu de la convocatoria ye la provisión de cinco instrumentos de vientu, como refuerzu, cuatro pa clarinete, una pa trombón pa cinco actuaciones de la Banda de Música, a convenir ente l'Asociación centenaria del Conceyu de Carreño.

Van Poder presentase a estes beques musicales los estudiantes que tean cursando'l Grau Profesional o Grau cimeru de Música, o que lo superaren.  Teniendo preferencia les persones que tengan el Grau Cimeru 

Una vegada publicaes les bases nel Boletín Oficial del Principáu d'Asturies (BOPA), la documentación tendrá de presentase debidamente rellenada nel rexistru del Xeneral del Conceyu de Carreño, sito na c/ Santolaya 1-3 de Candás. Nel siguiente horariu:

·Llunes, miércoles, xueves y vienres  de 9:00 h a 14:00 h

·Martes de 9:00 h a 18:30 h.

El plazu de presentación de la documentación va ser de 20 díes contaos dende a otru día al de la publicación. Les persones que deseyen allegar a estes beques tendrán de presentar, ente otros:

· Solicitú 

· Currículum

· Certificáu acreditativu de los estudios del Centru onde los cursó 

· Méritos a valorar.

El Tribunal de Selección va tar compuestu por profesionales de la música, tanto de la Escuela de Música Municipal “Miguel Barrosa” como de la Banda de Música de Candás. La prueba de selección va constar de la presentación d'una obra llibre, lo mesmo que de la llectura a la primer vista de repertoriu pa Banda. El preséu col que se realice la prueba va ser el mesmu col que se va tocar na Banda de Música de Candás. Y van tener llugar na Escuela Municipal de Música “Miguel Barrosa” de Carreño (c/Bernardo Alfageme, 4 Candás-Carreño).

“Somos conscientes de la importancia d'una formación non yá teórica sinón tamién d'una formación práctica de lla mocedá profesional como una de les pilastres fundamentales pal desenvolvimientu de la so carrera profesional na música.  Con estes beques damos la oportunidá a que se pongan en práctica los años d'estudiu nes Escueles de Música Municipales, nel Conservatorio. Que nueves promeses de la música tengan la so primer esperiencia con nel públicu. Amás de siguir sofitando y fomentando la cultura y l'educación al traviés del arte de la música”  señaló Cecilia Tascón- Conceyala de Cultura.

“L'asociación “Banda de Música de Candás” foi fundada a finales del sieglu XIX. Y ye identificada por tola ciudadanía del Conceyu como un puntu de referencia estable nel proyectu musical de Carreño, siendo fundamental el so papel de promoción y espardimientu de la mesma. Propósitos que de manera exemplar vien cumpliendo dende la so creación al traviés de la conocencia, sofitu didácticu y formación musical de los sos componentes. Amás de dar a conocer a los vecinos y vecines los meyores temes de la música clásica, moderna y contemporanea, en tolos xéneros y estilos” señaló la Edil.

“Según los sos estatutos, tien como principal referente'l fomentu de l'afición, espardimientu y estudiu de la música en tola so estensión y manifestaciones, por considerar que la mesma ye fonte de promoción cultural de les persones. Polo que, paralelamente a la so actividá cunten cola so propia escuela de música, “Educando, Oliver Díaz Suárez”. La cual actúa, non yá como centru de formación sinón como viveru con nel que nutrise y garantizar el futuru. Nella, baxu tutela del profesoráu, impártense clases de múltiples preseos musicales (sobremanera vientu y percusión) y clases de solféu, que, non yá suponen la incorporación a la Banda” de nuevos talentos musicales si non la so preparación pa les pruebes d'accesu a los conservatorios, dexando l'Agrupación el preséu pa facilitar l'estudiu musical” relatu la Edil.

“Amás hai que destacar, tamién, ente les  actividaes musicales de calter especial qu'a lo llargo del añu entama y xestiona, el Festival Internacional de Pianu José Luis Vega “Pelis””, que nos sos empiezos yera bi-añal, y na actualidá añalmente. Celebrándose a mediaos  del mes d'agostu na Antigua Fábrica d'Ortiz o'l conciertu solidariu “Operación Kilo” nel mes d'avientu” remató Tascón.