El Conceyu de Carreño, a pidimientu de
la Comisión de Festexos de Perlora y los Cuerpos de Seguridá,
axustó cola empresa encargada d'emprestar el serviciu de búhos nel
conceyu, unos servicios estraordinarios de tresporte mientres dos
nueches de les fiestes. Asina'l vecinderu de la localidá,
sobremanera la mocedá de Candás, va poder allegar los díes 6 y 7
de xunetu a les fiestes de la parroquia ensin usar los sos vehículos
particulares. Amás d'esti serviciu de búhos, quién se muevan van
poder emplegar el serviciu de taxis de la villa de Candás.
Queden poques hores pa que dean empiezu
les Fiestes Sacramentales de la parroquia de Perlora y la
comisión de festexos El Salvador de Perlora forfuga los preparativos
pa que cuando mañana vienres 6 de xunetu sía llanzáu'l
“chupinazo”, col que van dar empiezu la festividá, tea tou
preparáu. Esta mañana, nel salón de plenos, dos representantes de
la sociedá de festexos, axuntáronse nuevamente cola Alcaldesa y el
conceyal de seguridá ciudadana, según con responsables de Guardia
Civil, Policía Local, y serviciu municipal d'obres. Repasóse tol
operativu de seguridá y montaxes pa peracabar el meyor desenvuelvo
del eventu festivu.
Van Ser cuatro díes de fiestes, 6-7-8
y 9 de xunetu que van dar empiezu'l mesmos día 6 a les 21:30, nel
“Prao de la Romería” col llanzamientu del chupinazo per parte de
l'Alcaldesa de Carreño. Cuatro díes de folixa, pero tamién cuatro
de confraternización de los perlorinos y perlorinas,
d'ilusiones, y de muncho, muncho trabayu, onde va quedar
reflexáu l'esfuerzu que dende la comisión de festexos lleva
realizándose desque les fiestes del 2017 echaron el so zarru.
“Dientro de les novedaes nesta
edición y frutu del alcuerdu ente'l Consorciu de Tresportes
d'Asturies (CTA) y el Conceyu Carreño vamos poder en funcionamientu
dos díes la llínea de Búho de Lluanco-Xixón, pasando por Candás
y Perlora. Nesta ocasión amás de la yá tradicional de la nueche
del sábadu al Domingu, tamién vamos tener esti serviciu la nueche
del vienres al sábadu. El vienres y el sábadu son les dos nueches
nes que la romería de Perlora tien más arribación de
persones. Va Haber autobuses especiales les nueches y madrugaes
d'esos dos díes que van xunir les localidaes del conceyu. Lo
importante ye que la xente esfrute y que se muevan de forma segura a
les fiestes. Apelamos a la responsabilidá ciudadana, que nun
conduzan nunca si tomaron bébores alcohóliques” señaló
Paula Cuervo- Concejala de Festexos.
Los servicios estraordinarios de
tresporte públicu (llínea de Búho Lluanco- Xixón-Lluanco) van dar
empiezu a les 23 hores dende Xixón hasta les 6 hores, nesti casu'l
serviciu va salir a les hores en puntu de Xixón, pasando por Perlora
a los 20 minutos del horariu de la salida. Nel casu del serviciu que
tien la so salida dende la población vecina de Lluanco, el primer
serviciu va tener la salida a les 23:30 hores, llegando a Perlora a
los 15 minutos aprosimao. Les salíes dende Lluanco van ser a les
hores y media hasta la postrera que va ser a les 6:30 h. El
preciu del billete va ser de 3 € pa cada unu de los trayectos. La
parada más próxima ónde podrá tomase l'autobús y tornar a casa
ye la de Perán, próxima al prau de la fiesta.
“Tratamos d'evitar que s'usen
vehículos particulares cuando les condiciones pa la conducción nun
son les óptimas. La Comisión de festexos treslladónos la so
esmolición pol aparcamientu cuidao que los praos qu'otros años
utilícense, con esta climatoloxía tán impracticables. Por ello, in
extremis tánse faciendo xestiones cola Dirección Xeneral de
Patrimoniu pa ver si déxennos habilitar una zona d'aparcamientu na
Ciudá Residencial que dea serviciu a la fiesta porque los praos que
s'usaben otros años nun tán disponibles pel momento. Por
ello, pa evitar colapsos encamentamos, na midida de lo posible, a les
persones qu'usen el tresporte públicu. Amás tantu los servicios de
seguridá local como guardia civil van tar atentos de que tou
desenvuélvase dientro de la normalidá”– remató la
Conceyala.
Albandi
