Mientres el presente cursu escolar, 200 persones tan cursando los sos estudios na Escuela Municipal de Música “Miguel Barrosa” de Carreño. La formación, impartía por 11 docentes puede partise en tres tipos:
• Enseñanza Reglada con tres niveles distintos: Música y Movimientu, Gráu Elemental y Gráu Profesional.
• Enseñanza Non Reglada
• Enseñances Comunes nes que se alcuentren les disciplines de Coru, Orquesta y Técnica Vocal
A lo que hai que sumar más de 15 especialidaes instrumentales distintas: pianu, violín, viola, violoncello, contrabaxo, guitarra española, clarinete, flauta travesera, trompeta, trombón, bombardinu, tuba, batería, sintetizador, gaita, guitarra y baxo eléctrico.
“N'este postreru mes l'actividá docente de la Escuela de Música non paró, acompasándose a la situación que tamos viviendo. Esta desarrollóse tele-trabayando, cuntando con tou tipu de medios a disposición del profesoráu, pero siempre teniendo en cuenta varios factores del alumnáu como la edá, el nivel curricular, asina como les necesidaes y posibilidaes técniques pal desenvolvimientu de la docencia” señaló María Rosa Nodal-Conceyala d'Educación.
“Asina por exemplu, realizáronse clases individuales través de Skype, enviaos e-mails, mensaxes y documentos por WhatsApp o trabayos en grupos de Google Classroom. Si la dedicación y compromisu del profesoráu fue satisfactoriu, la respuesta del alumnáu nun podía ser menos. Esta foi muy positiva col envío de grabaciones d'audiu, vídeu de les llecciones o semeyes de los exercicios realizaos” comentó la Conceyala.
“Dende'l equipu directivu tuvimos en contactu telefónicu cola administración, profesoráu, alumnáu, y personalmente con madres y padres siempre buscando la sensibilidá pa comprender caúna de les casuístiques que se nos presentaben n'estes selmanes y unviando siempre un mensaxe d'ánimu. Intentando adaptrnos, per un lláu, a esti nuevo procesu y a cola mesma siguir prestando en las mesmes condiciones un serviciu de calidá. La experiencia foi bien ariquecedora por lo que quiero felicitar a toda la comunidá educativa pola so implicación y adaptación” señaló David Colado-Director de la Escuela de Música “Miguel Barrosa”.
“El 24 de marzu, cómo taba programáu previamente, realizóse la 2ª evaluación del cursu con una reunión on-line por Skype col profesorado de la EMM “Miguel Barrosa”. Esta desarrollóse en bona sintonía y siendo la primera vegada que nos comunicábamos toos/toes xuntos por esti mediu. Intentamos comprender y xestionar de la meyor manera posible les necesidaes del nuesu alumnáu, optando por buscar una vía de diálogu, trabayu y predisposición por parte del equipu docente pa que'l alumnáu nun salga perxudicáuo. Asina aquelles persones que nun pudieron examinase, calificar, porque por determinaes circunstancies nun pudieron realizar toos los exámenes unviose-yos trabayu extra pa compensalo” prosiguió Colado.
“El martes siguiente, 31 de marzo, tuvo llugar el claustru de profesores. Una reunión esta muy productiva, onde nos evaluamos a nosotros/es mismos/es, compartimos les nueses experiencies docentes asina como les dificultaes que encontramos n'esti nuevu marco de actuación con el teletrabayu. Nun tou'l mundu tien accesu a las mesmes tecnoloxíes pa desenvolver de la mesma forma les clases, nin la situación personal de cada familia ye la misma entre'l nuesu alumnáu, con lo que tuvimos que adaptanos, ayudanos para consiguir los nuesos obxetivos” rellató el Director de la Escuela.
“El compromisu y el sofitu del Consistoriu local a la educación pública ye plenu como lo demuestren les distintess medies que se tomaron n'estes feches. Ente ellas alcuéntrase un amenorgamientu de la cuota que'l alumnáu abona al mes. D'esta forma la correspondiente al mes de marzu amenorgaráse proporcionalmente, teniendo que abonar les families, solamente la parte que correspuende a los díes que hubo clases presenciales, aunque se siguieren impartiendo clases d'una forma on-line, a distancia, al traviés de medios telemáticos” finalizó la Conceyala d'Educación.
El próximu llunes 13 d'abril la comunidá educativa de la Escuela de Música Municipal “Miguel Barrosa” de Carreño volverá previsiblemente a retomar la so actividá. Va faelo gradualmente según les recomendaciones gubernamentales y de les autoridaes sanitaries competentes.
Albandi
