Un total de 56 comercios de tou tipu sumáronse hasta'l momentu a la rede de comerciu local.
L'Ayuntamientu de Carreño sigue apostando pola medria y consolidación de los pequeños comercios del conceyu. Col motivo del aniciu del confinamientu pola epidemia del COVID-19, l'Ayuntamientu fixo funcionar una rede de comercios locales, col obxetu de difundir información sobre los pequeños comercios locales que taben abiertos, nos que'l vecinderu podía realizar los sos mercaos de productos de primera necesidá.
Güey son ya 56 los pequeños comercios de prosimidá que formen parte de la rede, que los sos datos de contactu y servicios ofiertaos pueden consultase na web www.ayto-carreno.es
Panaderíes, fruteríes, farmacies, comercios de comida preparada, de servicios varios y un llargu etcétera formen el llistáu de comercios sumaos, al que pueden siguise xuniendo los establecimientos comerciales que ten abiertos y así lo deseyen, poniéndose en contactu cola Axencia de Desenvolvimientu del Ayuntamientu de Carreño, al traviés de la dirección d'email adl@ayto-carreno.es
Albandi
