“Col obxetivu de caltener los viales públicos en condiciones óptimes de llimpieza faise necesariu llevar a cabu el corte y la retirada de les borrafes vexetales que medren nos marxes, cunetes, taludes de los 292 caminos públicos del Conceyu, la so roza y llimpieza. Amás d´otros espacios públicos verdes y la redolada de los depósitos d'agües municipales. Al nun disponer el Ayuntamientu de los medios necesarios, tanto técnicos como humanos, pa consiguir tal fin, fíxose necesaria la contratación d´esti serviciu” señaló Manuel Noceda-Conceyal de Mediu Rural.
“Encargamos al Perito agrónomu de la Mancomunidad Cano Peñes la ellaboración de la pertinente memoria valorada y les prescripciones técniques que rexiríen la contratación de los trabayos a realizar, la roza y llimpieza de marxes, taludes y cunetes de los 191.144 metros (o 191 km) y 85.526 metros cuadraos de zona verde” explicó el responsable del área.
“Nel mes de marzu abrióse'l plazu de presentación de ofiertes, rematando ésti el 19 del mesmu mes, cinco díes dempués de la declaración del estáu d'alarma pola crisis sanitaria actual. Esta declaración, amás de les consecuencies, que toa la ciudadanía conoz y padez, nes alministraciones tuvo como consecuencia la paralización de les contrataciones en cursu. Una vegada llevantóse esa restricción retomóse la contratación en cursu. Procediendo a la so axudicación esta selmana” siguió'l conceyal.
“Les actuaciones a realizar pola empresa axudicataria comprenderán 4 intervenciones de forma individual o combinada. La primera va consistir na roza de marxes y taludes, consistente nel corte de la yerba, arbustos y maleza en xeneral, esistente n'ambos marxes de los caminos, asina como nos taludes, con un mínimu de 2 pasaes a cada marxe hasta dexar la zona totalmente rozada. Esta operación va realziaráse preferentemente por medios mecánicos o manuales. La altura de la roza a realizar va ser como mínimu, nel casu de grandes taludes, la que algame'l brazu de la máquina. Nel casu de la roza manual, la altura máxima a considerar va ser de 2,5 metros. Nel marxe de los caminos sin taludes de transición el anchu siega y/o roza va ser de 0,90 metros. La altura de la yerba una vegada cortada nun va deber superar los 2 centímetros”continuó Noceda.
“A la roza lva seguir la llimpieza de marxes, taludes y cuentes. Consistirá en sacar tierra, restos vexetales y otres borrafes depositaes nos elementos funcionales del camín (calzada, marxes, cunetes y taludes). Debiendo quedar el conxuntu en condiciones óptimes de prestación del serviciu, especialmente les cunetes, polo que se rasantearán les paredes y fondu para conseguir una bona evacuación d'agua, evitando el depósitu de borrafes que impidan el so pasu” detalló el edil.
“Posteriormente llevaráse a cabu la llimpieza d'obres de fábrica, llimpieza de los pasos canalizaos, cruces de caminos, pozos, arquetes, sumideros, rexilles, canaletes y desagües en xeneral, que pudieren tar obstruidos, con carga y transporte de los residuos resultantes, debiendo quedar el elementu funcional en condiciones óptimes de prestación de serviciu. Rematando cola roza y llimpieza del terrén, zones verdes y cortiles de los depósitos municipales. N'esta última fase realizaráse'l corte de la yerba, arbustos y maleza en xeneral esistentes en terrén públicu” declaró el Conceyal.
Los metros viales obxetu de la actuación, serán de 191.144m (191km), y que na so totalidá sumen 382.289m (382 km), de caminos públicos, al ser dambos los marxes so los que se van efectuar los trabayos. Atendiendo a caúna de les parroquies:
• Albandi, 20 caminos municipales que sumen 17.893 metros o 17,893 kilómetros
• Ambás, 24 caminos municipales que sumen 38.796 metros o 38,796 kilómetros
• Candás, 21 caminos municipales que sumen 18.540 metros o 18,540 kilómetros
• Carrió, 3 caminos municipales que sumen 3.197 metros o 3,197 kilómetros
• El Valle, 23 caminos municipales que sumen 31.542 metros o 31,542 kilómetros
• Quimarán, 36 caminos municipales que sumen 55.364 metros 0 55,364 kilómetros
• Llorgozana, 47 caminos municipales que sumen 68.864 metros o 68,864 kilómetros
• Perlora, 47 caminos municipales que sumen 52.743 metros o 52,743 kilómetros
• El Pieloro, 17 caminos municipales que sumen 25.019 metros o 25,019 kilómetros
• Prevera, 10 caminos municipales que sumen 13.078 metros o 13,078 kilómetros
• Priendes, 13 caminos municipales que sumen 15.235 metros o 15,235 kilómetros
• Tamón, 31 caminos municipales que suman 39.298 metros o 39,298 kilómetros
A estos 382.289 metros llineales hay que añadir 85.526 metros cuadraos, procedentes de la llimpieza por un lláu, 75.401 del acondicionamientu de 21 zones verdes nes que se alcuentren les redolades de los cirs, la pista polideportiva de Prevera, zona de Piñeres,…; y 10.125 procedentes de les árees de los 11 depósitos municipales.
“Tres el procesu de llicitación, nel que se presentaron cinco empreses del sector, la empresa resultante axudicataria encargada de les llabores de roza y llimpieza de marxes y cunetes de los caminos y zones verdes será Seycofor. Al ser la ufierta más ventaxosa en términos de calidá-preciu. Xube'l importe del serviciu contratáu a 129.349 €” Remató¡l conceyal Manuel Noceda..
Albandi
